TransLiteral Foundation
Don't follow traditions blindly or don't assume a superstition either.
Don't be intentionally ignorant. Ask us!! Make Informed Religious Decisions!!
मराठी मुख्य सूची|मराठी साहित्य|गाणी व कविता|कवी बांदरकर|
श्लोक १ ते १०

पवित्र उपदेश - श्लोक १ ते १०

श्रीकृष्ण बांदकर महाराजांचा जन्म शके १७६६ क्रोधीनाम संवत्सरात आषाढ शुद्ध ११ एकादशीच्या महापर्वणीस झाला.

श्लोक १ ते १०
मी माझें हरि विन्घ जो गणपती श्रीराम सीतापती । श्रीमद्वैष्णव कृष्ण सद्‌गुरुवरां वंदुनियां निश्चितीं ॥
जे बोधामृत पाजिलें गुरुवरें पूर्णकृपेनें मला । त्या बोधा कथितों सुयोगचि पहा राधे तुला लाभला ॥१॥
राधा नाम तुझें वरूनि सुयशा बाधा भवाची हरीं । साधाया हित राम देव गुरुची तूं नित्य सेवा करीं ॥
साध्वी धन्य पतिव्रता म्हाणवुनी घे सज्जनाच्या मुखें । कृष्णानंदपदीं सदैव रमुनी सौभाग्य भोगीं सुखें ॥२॥
माझ्या सद्‌गुरुनीं मला शिकविलें कीं संतसंगा धरीं । कोणाचें दुखवीं न चित्त सुख त्यां तूं अन्नदानें करीं ॥
यद्दाना सम अन्य दान न जगीं जाणूनि शांती वरीं । जी प्राप्त स्थिति तीच सौख्यकर हेम मानूनि राहें बरी ॥३॥
हरिभजन करावें तीर्थ यात्रेसि जावें । न विषय विष प्यावें साधु संतां नमावें ॥
स्वसुख रत असावें चित्त रामीं वसावें । गुरुचरणि जडावें मानसा आवडावें ॥४॥
सकळ जन सुखाचे जे दिल्या घेतल्याचे । पुरति जरि मनाचे हेतु तैं चित्त नाचे ॥
निखिल जग असें हें यांत माझा न कोणी । परम कठिण काळीं सोडवी चक्रपाणी ॥५॥
वैराग्या परतें न भाग्य कथिलें जें सद्‌गुरुंनीं पहा । आला प्रत्यय कीं न चित्त विषयीं रंगे महा लाभ हा ॥
जी प्राप्त स्थिति गोड तीच गमते ही राघवाची दया । जी वृत्ती करि पात्र जन्ममरणा ती जाहली चिन्मया ॥६॥
स्वसुखमय दिसे हें सर्वही विश्व मातें । सकळहि व्यवहारीं सौख्य वाटे मनातें ॥
सदय गुरुवरें ज्या बोधिलें साधनाला । द्दढ धरुनि मनी त्या लाधलों या पदाला ॥७॥
जननि जनक राधा कृष्ण माझ्या जिवाचे । हरिति भय भवाचें नाम गातांचि वाचे ॥
अनुभव सुक माझें बोलतां कंठ दाटे ॥ तुन मन धन सारें सद्‌गुरुरूप वाटे ॥८॥
संतोषरूप रघुराज मनीं प्रकाशे । देहात्मभाव भवबंध समूळ नाशे ॥
आनंदपूर्ण तरि चिंतन चित्त सोडी । वाटे न त्या कधिंच या विषयांत गोडी ॥९॥
निवांत जागीं करिं या विचारा । प्रपंच हा दु:खर जाण सारा ॥
चित्तास शांती तिळमात्र नाहीं । याचें असे ह्या परि रूप पाहीं ॥१०॥

Translation - भाषांतर
N/A

References : N/A
Last Updated : 2014-06-16T09:59:46.0070000

Comments | अभिप्राय

Comments written here will be public after appropriate moderation.
Like us on Facebook to send us a private message.

valorisation

  • न. किंमत रक्षण 
  • (an act or process of attempting to give an arbitrary market value or price to a commodity usu. by governmental intervention) 
  • न. मूल्यस्थिरण 
  • न. (an act or process of attempting to give an arbitrary market value or price to a commodity usu. by governmental intervention) मूल्यस्थापन 
More meanings
RANDOM WORD

Did you know?

दीप किंवा दिवा लावण्याचे कांही शास्त्र आहे काय?
Category : Hindu - Beliefs
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site