TransLiteral Foundation
मराठी मुख्य सूची|मराठी साहित्य|गाणी व कविता|कवी बांदरकर|
श्लोक ११ ते २०

पवित्र उपदेश - श्लोक ११ ते २०

श्रीकृष्ण बांदकर महाराजांचा जन्म शके १७६६ क्रोधीनाम संवत्सरात आषाढ शुद्ध ११ एकादशीच्या महापर्वणीस झाला.

श्लोक ११ ते २०
अशा या संसारीं रत मनुज भोगूनि विषयां । सदां मोहीं गुंते नच कधिं मनीं मानि विषयां ॥
घरीं आला कोणी अतिथि तरि त्या दे न कवडी । कुसंगानें ऐसा फुकटचि पहा काळ दवडी ॥११॥
हा पापी नर जाउनी यमपुरीं भोगी बहू यातना । दुष्कमीं वय घालवी प्रतिदिनी ज्याची कुडी वासना ॥
राधे काय वदूं तुला, पशुचि ते जे यापरी वागती । झाले धन्य सदा विमुक्त जन जे संतांपदीं लागती ॥१२॥
असो इतर या कथा ह्रदयिं सत्पथा तूं वरीं । सुसंगति धरीं सदा कधिं न तूं अकार्या करीं ॥
तरी प्रिय तूं राधिले रघुपतीस होसी पहा । हरूनि दुरितें तुझीं करिल तो सुखी पापहा ॥१३॥
बहुत सुख मिळावें सर्वही दु:ख जावें । विविध विषय भोगीं सर्वदा कीं रमावें ॥
अशिच सकळ जीवां वासना मानसीं ती । परि न घडत ऐसें ही जगाचीच रीती ॥१४॥
विषय नश्वर हें सकळां कळे । परि न वृत्ति सुख स्वरुपीं वळे ।
पडति मृत्यु मुखीं जन पाहत्ती । तरिहि त्यांतचि लोळुनि राहती ॥१५॥
पडे विस्मृती राघवाच्या पदाची । मला वाटतें ती खरी आपदाची ॥
घडी एक जो रामराया न सोडी । तया देतसे तो निजानंद गोडी ॥१६॥
वैराग्या परतें न भाग्य वदती जें संत साधू मुखें । सत्यत्त्वें मनुजें मनीं धरुनि तें लोकीं रहावें सुखें ॥
ऐसा लाभ दुजा नसे नर तनू जी राघवें दीधली । झालें सार्थक ती जरी निशिदिनी त्याच्या पदीं लागली ॥१७॥
घडी आयुष्याची बहुत धन देतांहि न मिळे । असा जातो व्यर्थ प्रतिदिनिं कसा काळ न कळे ॥
मुखें निंदी संतां परि नच अनंता मनिं धरी । अशा या पापानें मिळवि नर तो दुर्गति खरी ॥१८॥
न कोणी कोणाचा सकळ सुख शोधीत फिरती । जरी लाभे पूर्ण स्वसुखतरि त्या वृत्ति विरती ॥
करावें अभ्यासा गुरुचरणिं विश्वास धरुनी । स्मरावें तन्नामा घडि अहंता विसरुनी ॥१९॥
मी माझें करि पात्र जन्ममरणा जो त्याग याचा करी । तो ज्ञानी गुरुभक्ति युक्त गमतो निष्ठा जयाची खरी ॥
जे जे वृत्ति उठे तिला मिळवि जो आत्मस्वरूपीं बरी । राहे यापरि धारणा धरुनियां तो विश्व हें उद्धरी ॥२०॥

Translation - भाषांतर
N/A

References : N/A
Last Updated : 2014-06-16T10:00:26.8830000

Comments | अभिप्राय

Comments written here will be public after appropriate moderation.
Like us on Facebook to send us a private message.

layer dezincification

  • स्तर विजस्तीकरण 
RANDOM WORD

Did you know?

कोणता शब्द योग्य आहे ? नखाला जिव्हारी लागणे की जिव्हाळी लागणे?
Category : Dictionary
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site