आरती विश्वेश्वराची - जय शंभो शशिशेखर विश्वेश्व...

जय शंभो शशिशेखर विश्वेश्वर देवा । नीराजयामि ते हर सज्जन हृच्छर्वा ॥धृ०॥
शिव गौरीवर वंदितसंस्तुतपूज्यपद । श्रीशंकर गंगाधर फणिभूषण सुखद ।
परशूधर मृगवासा हिमनगवरसुखद । मुदमर्पय मयि करुणासागर गुरुवरद ॥१॥
यन्निकटेsन्नसुपूर्णा जगदंबा माता । विघ्नेश्वर ढुंढीश्वर विद्यासुखदाता ।
श्रीदंडपाणि भैरव गुरु काशीपाता । पाता जगतां नोsव्यादुमाधव भवहर्ता ॥२॥
श्रीगंगाधरसुखदासुखदाखिलधात्री । श्रीकाशीहृत्काशी मोक्षपुरी शास्ती ।
यत्र श्रीमोक्षगुहा सत्फलफलदास्ति । विश्वेशं नौमि सदा नृसिंहयतिसूक्तिम् ॥३॥