पंचम पटल - योग प्रकरण

श्रीदेव्युवाच : -
ब्रूहि मे वाक्यमीशानं परमार्थधियं प्रति ।
ये विघ्ना: सन्ति लोकानां वद मे प्रिय शङ्कर ॥१॥

ईश्वर उवाच : -
श्रृणु देवी प्रवक्ष्यामि यथा विघ्न: स्थिता: सदा ।
मुक्तिं प्रति नराणां च भोग: परमबन्धन: ॥२॥

- भोगरूपयोगविघ्नविद्याकथनम् -
नारी शय्यासनं वस्त्रं धनमस्य विडम्बनम् ।
ताम्बूलभक्षयानानि राज्यैश्वर्यविभूतय: ॥३॥

हैमं रौप्यं तथा ताम्रं रत्नं चागुरुधेनव: ।
पाण्डित्यं वेदशास्त्राणि नृत्यं गीतं विभूषणम् ॥४॥

वंशी वीणा मृदङ्गाश्च गजेन्द्रश्चाश्ववाहनम् ।
भोगरूपा इमे विघ्ना धर्मरूपानिमान् श्रुणु ॥५॥