एक बोलेना बंदर, तर काय ओस पडेल जुन्नर

मराठी वाक्संप्रदाय - वाक्यप्रचार

   एकाने बंदराचा पत्ता सांगितला नाही म्हणून काही जुन्नर ओस पडले नाही. एखाद्या मनुष्यानें एखादे काम करावयाचे नाकारले किंवा एखादी माहिती दिली नाही म्हणून काही तो अडून राहात नाही किंवा ती मिळावयाची राहात नाही. गांवातील कोणा तरी दुसर्‍याकडून ते काम करून घेतां येते. जुन्नर ही एक पूर्वी फार मोठी पेठ होती
   तेथून देशावरचा माल नाणे घाटातून कोकणात जात असे व तिकडून बाहेर देशचा बंदरांत येणारा माल देशावर येत असे. तेव्हां जुन्नरवरून बंदरावर जाण्याची वाट होती. [ मॅनवरिंगनें ‘बादर’ (माकड) असा पाठ दिला आहे पण त्यावरून नीट अर्थबोध होत नाही.]