TransLiteral Foundation
Don't follow traditions blindly or don't assume a superstition either.
Don't be intentionally ignorant. Ask us!! Make Informed Religious Decisions!!

रेणुकेचें अष्टक - चौदावें

श्रीमज्जगज्जननी, त्रिभुवनसुंदरी श्रीरेणुकामाऊलीचे अत्यंत लाडके पुत्र श्रीमत्परमहंस श्रीसद्‍गुरू पुरूषोत्तमानंद सरस्वति उर्फ श्रीविष्णुकवि महाराज यांच्या कवितांचा हा अनमोल ठेवा.


चौदावें
( वृत्त : शार्दूंलविक्रीडित )
श्रीअंबे ! जय रेणुके ! गुणनिधे, सौभाग्य सूवासिनी ।
मुक्तालंकरणें सुगंध सुमनें, श्रीमूळ पीठासनी ॥
आनंदें बसलीस खुंटुनि भवांबोधींत जैसी तरी ।
भो नारायणि ! माय काय तुजला, आतां म्हणावें तरी ॥१॥
दुःखाचे वरच्यावरी ढसळती, अंगावरी पर्वत ।
चिंतेचा दिनरात्रही करकरा, वाजे शिरीं कर्वत ॥
आशा वाढत चालली स्थुळ जशी, जीर्णोदरीं पान्थरी ।
भो नारायणि ! माय काय तुजला, आतां म्हणावें तरी ॥२॥
माते ! मुख्य तुं सूत्रधार तुझिया, सूत्रें अम्ही माकडें ।
आहों नाचत सत्य लाविसि बळें, कां दोष आम्हांकडे ॥
अज्ञानी म्हणवून देशि कशि तूं, लोटोनि दुःखांतरीं ।
भो नारायणि ! माय काय तुजला, आतां म्हणावें तरी ॥३॥
थोरांच्या पदरांत चूक दुबळें, घालूं नये घालणें ।
संतापें भलतें प्रसंगिं अगळें, बोलूं नये बोलणें ॥
ही बुद्धी कळते परंतु सलतें, पोटामधें कातरी ।
भो नारायणि ! माय काय तुजला, आतां म्हणावें तरी ॥४॥
जों जों मी करितों विनंती जननी ! तों तों कठोराधिक ।
होशी यास्तव वाटतो खचितची, संसार सारा धिक ॥
माझी कांहिं दया बया, तुज नये, वाटे मनीं खातरी ।
भो नारायणि ! माय काय तुजला, आतां म्हणावें तरी ॥५॥
अद्यापी निगमादि व्यासवचनें, नाहीं क्षिती सोडिली ।
अद्यापी पतितांचि वाट तरण्याची नाहिं कीं मोडिली ॥
अद्यापी मज पावसी न स्तवितां, आली जरा सत्तरी ।
भो नारायणि ! माय काय तुजला, आतां म्हणावें तरी ॥६॥
काढावें परि कर्दमांत पडल्या, मागें करुं ने हत ।
शिक्षा देउनि बाळकासि म्हणणें, कोपें अईनें हत ॥
दुःखिष्टासि न दुःख देति कळते, खोंचूनि वर्मांतरीं ।
भो नारायणि ! माय काय तुजला, आतां म्हणावें तरी ॥७॥
अंबार्धक्षण पादपंकज मला, तूं दाखवी एकदां ।
कल्पांतीं म्हणणार नाहिंच पुन्हां, मी संकटीं ये कदां ॥
कोंडूनी ह्रदयांत ठेविन जशी, विद्युल्लता अंतरीं ।
भो नारायणि ! माय काय तुजला, आतां म्हणावें तरी ॥८॥
विष्णूदास म्हणे जिच्या निजकृपें मात्रा पदें लाभलीं ।
नाहीं कोण म्हणेल पामर अशा, त्या जन्मदेला भली ॥
माते, बोलविसी तुं बोल म्हणुनीं, राहूनिया अंतरीं ।
भो नारायणि ! माय काय तुजला, आतां म्हणावें तरी ॥९॥

Translation - भाषांतर
N/A

References : N/A
Last Updated : 2013-09-05T23:47:22.3430000

Comments | अभिप्राय

Comments written here will be public after appropriate moderation.
Like us on Facebook to send us a private message.

strike notice

  • हडताल नोटिससूचना 
RANDOM WORD

Did you know?

जीवनात वयाच्या कोणत्या वर्षी कोणती शांती करावी?
Category : Hindu - Puja Vidhi
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site

Ved - Puran
Ved and Puran in audio format.