TransLiteral Foundation
Don't follow traditions blindly or don't assume a superstition either.
Don't be intentionally ignorant. Ask us!! Make Informed Religious Decisions!!

मे २८ - साधन

महाराजांचे प्रवचन वाचले की वाटते , श्रीमहाराजांनी हे माझ्याचसाठी लिहिलेले आहे .


प्रपंच देवाचा मानून करावा.

अमुक एक हवे किंवा अमुक एक नको असे न वाटणे याचे नाव वैराग्य . संकटकाळी , हे संकट नसावे असे न वाटता , परमेश्वराचे स्मरण असावे , आणि त्याच्याजवळ हे मागावे की , ‘ देवा , मला तुझ्याजवळ काहीही मागण्याची इच्छा देऊ नको . ’ देहाला मुद्दाम कष्ट देऊ नयेत , पण जेव्हा ते आपोआप येतात , तेव्हा मात्र ते आनंदाने सोसावेत . पुरुरव्याने दुष्कृत्य केले आणि त्यामुळे त्याला वैराग्य प्राप्त झाले ; तेव्हा त्याला दुष्कृत्य म्हणावे की सत्कृत्य ? तरीही , वैराग्यप्राप्तीचा वास्तविक हा काही मार्ग नव्हे हे खरेच . आपण शास्त्राविरुध्द कर्म करु नये , आणि दुसर्‍याने केले तर नावे ठेवू नयेत . न जाणो , परमात्म्याची इच्छा असेल तर त्यातूनच चांगले होण्याचा संभव आहे . प्रपंच मिथ्या मानावा आणि जो मिथ्या तो बरा असे वाटण्यात काय अर्थ ? तो जसा असेल तसा असू द्यावा . नाटकात नट जसे काम करतो , त्याप्रमाणे प्रपंचात आपण आपले काम करावे . तुमचा परमार्थही तुमच्या स्वाधीन नाही ; सदगुरुच तो तुमच्याकरिता करीत असतात ; तेव्हा तुम्ही कशाचीही काळजी करु नये . जे होईल त्यात आनंद मानीत राहावे . सदगुरुदर्शनाने पूर्वकर्मे , पापे , जळून जातात . तुमची पुढची काळजी सदगुरु घेतात ; तेव्हा पाठीमागची आठवण काढीत बसू नये आणि काळजी करु नये . समाधानात आणि आनंदात असावे .

प्रपंच देवाचा मानून अभिमानरहितपणे तो करणे हा परमार्थ . परमेश्वराचे स्मरण ठेवून तोच कर्ता आहे असे मानणे , आणि सर्व काही त्याच्याकरिता करणे , म्हणजे देवाला अर्पण केल्यासारखेच आहे . फक्त कर्माच्या शेवटीच कृष्णार्पण म्हणणे , म्हणजे इतर वेळ त्याला विसरला असे नाही का होत ? देवापाशी ‘ मला तू आपला म्हण . हे मन तुझ्या चरणी अर्पण केले . मला तुझ्याजवळ काहीही मागण्याची इच्छा न होवो . ’ असे मागावे ; नाही तर , जो राज्य द्यायला समर्थ आहे त्याच्याजवळ केरसुणी मागितल्याप्रमाणे होईल . भगवंताची मनापासून प्रार्थना करावी . आपल्याला तो बरोबर मार्ग दाखवितो . आपण अंधारामध्ये वाट चालत असताना एक क्षणभरच वीज चमकते , परंतु त्यामुळे पुढचा सगळा रस्ता आपल्याला दिसतो . त्याचप्रमाणे , मनापासून भगवंताचे स्मरण केले तर पुढच्या मार्गाचे आपल्याला आपोआप ज्ञान होते . ‘ तू जे देशील ते मला आवडेल , ’ असे आपण भगवंताला सांगावे , आणि भगवंताचे अखंड स्मरण ठेवावे . यापेक्षा भगवंताच्याजवळ जायला दुसरा मार्ग कोणता असणार ?

Translation - भाषांतर
N/A

References : N/A
Last Updated : 2010-05-26T21:59:46.3830000

Comments | अभिप्राय

Comments written here will be public after appropriate moderation.
Like us on Facebook to send us a private message.

time step incrementation

  • कालपदी पुरःसरण 
RANDOM WORD

Did you know?

जीवनात वयाच्या कोणत्या वर्षी कोणती शांती करावी?
Category : Hindu - Puja Vidhi
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site

Ved - Puran
Ved and Puran in audio format.