गंगेस घोडें नहाणें

मराठी वाक्संप्रदाय - वाक्यप्रचार

   या वाक्‍प्रचारात मराठी साम्राज्‍याचा इतिहास साठविला आहे. पेशवाईत भीमथडी तट्टांना गंगेचे पाणी पिण्यास-नाहाण्यास मिळाले. पेशव्यांनी मोठा पराक्रम करून उत्तर हिंदुस्‍थानात अमल बसविला. यावरून दक्षिणची घोडी उत्तरेच्या गंगेत धुणें म्‍हणजे त्‍याप्रमाणें मोठा पराक्रम करणें
   एखादे मोठे पराक्रमाचे कार्य पार पाडणें
   एखादी अचाट कामगिरी पूर्ण करणें. आरंभिलेले महत्‍कार्य तडीस जाणें. ‘जिजी कधी इथे यायची नव्हे, ती मी मोठी आर्जवे करून बोलावून आणली, त्‍यासारखी ती धडपणें आपल्‍या नवर्‍याच्या घरी परत पोचली म्‍हणजे गंगेला घोडे न्हाले!’-शिसं २.४.