अथ श्रीदत्तोपनिषत् ( पूर्वतापिनी . )
श्रीगणेशाय नमः ॥ हरिः ॐ भद्रंकर्णेभिः श्रृणुयामदेवाभद्रंपश्येमाक्षभिर्यजत्राः ॥
स्थिरैरंगैस्तुष्टुवांसस्तनूभिर्वेश्येम देवहितं यदायुः ॥ भद्रंकर्णेभिरिति शांतिः ३॥
ॐ चिन्मयं व्यापितं सर्वं आकाशं जगदीश्वरम् ॥ निर्विकल्पं स्वयं ब्रह्मा तस्याहं पंचमाश्रमम ॥१॥
निराकारं निराभासं निरालंबं निरंजनम् ॥ निःशब्द उच्यते ब्रह्म तस्याहं पंचमाश्रमम् ॥२॥
ब्रह्मचारी गृहस्थश्व वानप्रस्थो यतीश्वरः ॥ आश्रमाणां विभिन्नोहं तस्याहं पंचमाश्रमम ॥३॥
आश्रमाणां च सर्वेषां अस्ति नास्ति न चात्मनि ॥ भिन्नाभिन्नं नपश्यंति तस्याहं पंचमाश्रमम ॥४॥
आब्रह्मस्तंभपर्यंतं संपूर्णं परमात्मनः ॥ भिन्नाभिन्नं नपश्यंति तस्याहं पंचमाश्रमम ॥५॥
मनस्यं मनमध्यस्थं मनमायाविवर्जितम् ॥ मनसा मन आलोक्य तस्याहं पंचमाश्रमम ॥६॥
अगोचरं चैकब्रह्म तस्य देहे विलीयते ॥ निवर्तंते क्रियाः सर्वास्तस्याहं पंचमाश्रमम् ॥७॥
निरालंबपदं प्राप्तं यत्र ज्योतिर्लयं गतः ॥ निवर्तंते क्रियाः सर्वास्तस्याहं पंचमाश्रमम ॥८॥
स्वयं दाता स्वयं भोक्ता स्वयं देवो महेश्वरः निर्विकल्पं स्वयं ब्रह्म तस्याहं पंचमाश्रमम ॥९॥
क्वचिद्योगी क्वचिद्भोगी क्वचिन्नग्नः पिशाचवत् ॥ स्वयमात्मस्वरूपेण तस्याहं पंचमाश्रमम ॥ १०॥
अभिन्नमात्मनो रूपं जगदेतच्चराचरम् ॥ निर्विकल्पं स्वयं ब्रह्म तस्याहं पंचमाश्रमम ॥११॥
आत्मज्ञानं विना योगी ब्रह्मचारी कथं भवेत् ॥ गृही वा वानप्रस्थो वा यतिर्योगं विना नहि ॥१२॥
ॐ भद्रंकरणेभिः श्रृणुयामदेवा भद्रंपश्येमा क्षभिर्यजत्राः ॥ स्थिरैरंगैस्तुष्टुवा सस्तनूभिर्व्यश्येमदेवहितंयदायुः ॥
स्वस्तिनाइंद्रोवृद्धः श्रवाः ॥ ॐ शांतिः शांतिः शांतिः ॥ इति श्रीदत्तोपनिषत् पूर्वतापिनी समाप्ता ॥ ॥१४॥