विद्याधर्मधनैर्युक्तो बहुभोगी च भाग्यवान् ।
सूर्याद्यैः शुक्रपर्यन्तैः ख्यातो भवति षडूग्रही ॥१॥
पराकार्यकरो दाता शुद्धात्मा चञ्चलाकृतिः ।
षडभिर्ग्रहौर्विना शुक्रं रमते विजयी जनः ॥२॥
संशयी सुभगो मानी ख्यातो युद्धेऽरिमर्दकः ।
विना जीवं ग्रहैः षडभिर्विनोदे रमते जनः ॥३॥
आ ( भा ) र्याप्रियो रणोत्साही विभ्रमः क्रोधलोभवान् ।
अर्कार्किचन्द्रभौमेज्यभार्गवैः सुभगो नरः ॥४॥
कलत्रहीनो निर्द्रव्यो राजमंत्री क्षमायुतः ।
रवीन्दुबुधजीवार्किभृगुभिः सुभगो नरः ॥५॥
धनदारसुतैर्हीनस्तीर्थगामी वनाश्रितः ।
सूर्यारसौम्यजीवार्किभृगुपुत्रैर्भवेन्नरः ॥६॥
धनी मन्त्री शुचिस्तन्द्री बहुभार्यो नृपप्रियः ।
विना सूर्य ग्रहैः षडभिः प्रतापी जायते नरः ॥७॥
प्रायो दरिद्रो मूर्खश्च षडभिर्वा पञ्चभिर्ग्रहैः ।
अन्योन्यदर्शनात्तेषां फलमेतत्प्रकीर्तितम् ॥८॥