TransLiteral Foundation
Don't follow traditions blindly or don't assume a superstition either.
Don't be intentionally ignorant. Ask us!! Make Informed Religious Decisions!!
मराठी मुख्य सूची|मराठी साहित्य|अनुवादीत साहित्य|धर्मसिंधु|द्वितीय परिच्छेद|
गोवर्धनपूजा

धर्मसिंधु - गोवर्धनपूजा

हिंदूंचे ऐहिक, धार्मिक, नैतिक अशा विषयात नियंत्रण करावे आणि त्यांना इह-परलोकी सुखाची प्राप्ती व्हावी ह्याच अत्यंत उदात्त हेतूने प्रेरित होउन श्री. काशीनाथशास्त्री उपाध्याय यांनी ’धर्मसिंधु’ हा ग्रंथ रचला आहे.

This 'Dharmasindhu' grantha was written by Pt. Kashinathashastree Upadhyay, in the year 1790-91.


गोवर्धनपूजा

मुख्य गोवर्धनपर्वत ज्यांना जवळ असेल त्यांनी त्याची पूजा करावी. ज्यांना त्या खर्‍या गोवर्धनाची पूजा करणे अशक्य असेल अशांनी गाईच्या शेणाचा अथवा भाताचा गोवर्धन करून, त्याच्यासह श्रीकृष्णाचे पूजन करावे. पूजा करताना,

'श्रीकृष्णप्रीत्यर्थ गोवर्धनपूजनं गोपालपूजनात्मकं महोत्सवं करिष्ये ।'

असा संकल्प करून,

'बलिराज्ञे द्वारपालो भवानद्य भवप्रभो । निजवाक्यार्थनार्थाय सगोवर्धन गोपते ॥

या मंत्राने गोवर्धनासह गोपालाचे आवाहन करून त्याची स्थापना करावी. नंतर

'गोपालमूर्ते विश्वेश शक्रोत्सव विभेदक । गोवर्धन कृतच्छत्र पूजां मे हर गोपते ॥

गोवर्धनधराधार गोकुलत्राणकारक । विष्णुबाहुकृतच्छाय गवां कोटिप्रदोभव ॥'

या मंत्रांनी गोपालासह गोवर्धनाची षोडशोपचारे पूजा करावी. आणि वैभवानुरूप महानैवेद्य द्यावा. त्यानंतर पूजेच्या अंगभूत अशा जिवंत अथवा मातीच्या गाईची वरील मंत्रांनी पूजा करून,

'आगावो अग्मन्प्रैते वदन्तु०' या दोन ऋचांनी घरात तयार केलेल्या भाताने होम करावा. नंतर ब्राह्मणांना अन्न व गाय वगैरेचे दान केल्यावर, गाईला गवत व गोवर्धनाला बलिदान ही अर्पण करावीत व शेवटी गाईसहवर्तमान आपण- गाई, ब्राह्मण व गोवर्धनगिरि यांना प्रदक्षिणा घालावी.

Translation - भाषांतर
N/A

References : N/A
Last Updated : 2008-05-05T06:29:13.1700000

Comments | अभिप्राय

Comments written here will be public after appropriate moderation.
Like us on Facebook to send us a private message.

ताकांत पडली माशी, सून काही पिईना, गिर्‍हाईक काही घेईना

  • एक म्‍हातारी ताक विकीत असे. एकदा एक गिर्‍हाईक ताक विकत घ्‍यावयास आले असतां सून ते मोजून देत असतांना त्‍यांत एक माशी पडली. तेव्हां गिर्‍हाईक काही ते ताक घेईना. तेव्हां त्‍या म्‍हातारीने ते फुकट जाऊं नये म्‍हणून सुनेस पिऊन टाकण्यास सांगितले. पण माशी पडलेली असल्‍यामुळे ओकारी येईल या भीतीने सून ते पिण्यास कबूल होईना. अशा रीतीने त्‍या म्‍हातारीस मोठी पंचाईत येऊन पडली. ताक फुकट गेलेले तर तिच्याने बघवेना व सूनहि ते पिईना व गिर्‍हाईकहि घेईना. तेव्हां तिचा जीव थोडा थोडा होऊं लागला. अशा रीतीने अगदी बारीक सारीक गोष्‍टीनेहि नुकसान झालेले पाहवत नाही अशा वृत्तीच्या लोकांस अनुलक्षून ही म्‍हण वापरतात. 
RANDOM WORD

Did you know?

Every hindu follows different traditions, can you explain how?
Category : Hindu - Traditions
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site

Ved - Puran
Ved and Puran in audio format.