नामदेवाचें चरित्र - नैवेद्याचा नेम असे दामाजी...

नैवेद्याचा नेम असे दामाजीसी । नित्य विठ्ठलासी न्यावें बोणें ॥१॥
बोणें दाखवावें मग अन्न ध्यांवें । ऐसा तो सद्भाव त्याचे मनीं ॥२॥
ऐसें करितां दिन कांहीं क्रमिले । दामाजी चालिले ग्रामांतरा ॥३॥
दामाशेटी काय म्हणे गोणाईसी । नित्य विठोबासी न्यावें बोणें ॥४॥
गोणाई बोलिली सांगा नामदेवा । करील तो सेवा विठ्ठलाची ॥५॥
दामाजीनें पुत्र नोलाविला नामा । करीं मेघ: श्यामा सेवा नित्य ॥६॥
नित्यानित्य न्यवें विठोबासी बोणें । मग अन्न घेणें आज्ञा केली ॥७॥
अवश्य म्हणोनी लागला चरणासी । धरिलें पोटासी नामदेवा ॥८॥
नामदेवी हातीं समर्पिलें बोणें । गेला तो तेथुनी गोंदा म्हणे ॥९॥