नामदेवाचें चरित्र - वराईची गोणी कळली राजाईसी ...

वराईची गोणी कळली राजाईसी । नामा ब्राम्हाणांसी बोलावीत ॥१॥
इतु क्यामध्यें होन मडकेंभर काढिले । गोणी ते शिविली होती तैसी ॥२॥
द्विज मेळवूनि आला नामदेव । वांटियेलें सर्व द्रव्य त्यानें ॥३॥
नामा म्हणे द्रव्य ज्याचें त्या दिधलें । ऋण तें ठेविलें नाहीं कांहीं ॥४॥
राजाई ते होन सांभाळाया गेली । हातां राख आली कोळशाची ॥५॥
कोळसे देखोनि खोंचली ते मनीं । धन्य तुझी करणी पांडुरंगी ॥६॥
नामदेवापुढें सांगे वर्तमान । चोरोनियां होन म्यां ठेविले होते ॥७॥
पाहतां त्या होनांचे जाहले कोळसे । नामा पाहतसे जाहलें सोनें ॥८॥
वाटिले ब्राम्हाणां तेही होन त्यानें । फेडियलें ऋण गोंदा म्हणें ॥९॥