अभंग - जय सौभाग्यमंडित
श्रीमज्जगज्जननी, त्रिभुवनसुंदरी श्रीरेणुकामाऊलीचे अत्यंत लाडके पुत्र श्रीमत्परमहंस श्रीसद्गुरू पुरूषोत्तमानंद सरस्वति उर्फ श्रीविष्णुकवि महाराज यांच्या कवितांचा हा अनमोल ठेवा.
जय सौभाग्यमंडित । वज्रचुडे अखंडित ॥१॥
जय मंगळवर्धिनी । जय यज्ञेश्वरनंदिनी ॥२॥
तुला माझा नमस्कार । माये, तुझा जयजयकार ॥३॥
आइ ब्रह्मांडनायके । माझी विनंती आयके ॥४॥
प्रेमा ह्रदीं असो द्यावा । माझा समाचार घ्यावा ॥५॥
बहुत कायसें बोलणें । आतां लोभ असूं देणें ॥६॥
विष्णुदास लागे पायीं । पुन्हा भेट अंबाबाई ॥७॥
N/A
References : N/A
Last Updated : November 11, 2016
TOP