TransLiteral Foundation
Don't follow traditions blindly or don't assume a superstition either.
Don't be intentionally ignorant. Ask us!! Make Informed Religious Decisions!!
मराठी मुख्य सूची|मराठी साहित्य|अभंग संग्रह आणि पदे|अनेककवि कृत पदे|
गोविंदकृत पदें ३२१ ते ३२३

गोविंदकृत पदें ३२१ ते ३२३

पद हा अभंगाचाच एक प्रकार असून लयीत गाता येतो, शिवाय गाण्याची कोणतीही ठराविक वेळ नसते.


गोविंदकृत पदें ३२१ ते ३२३
पद ३२१ वें.

गुणगहना रे ! प्रियकरा ! सख्या ! रुक्मिणीवरा ! कटिसूत्रभूणा ! ।
मग भवश्रमहारका ! दीनतारका ! पद्मलोचना ! ॥ध्रुवपद॥
तव नामविषय हें सार, गोड मज फार, जळो संसार दु:खवेदना ।
किती सोसाचा हा भार, काय करणें या दाराधना ।
सुखकर हे तूझे पाय, हृदयिं मी ध्या, तोडि भवबंधना ।
भिवरातीरनिवासा, येइं बा ! त्वरे कंसमर्दना ॥
चाल ॥ आधींच लाविलें पिसें पुढें भलतिसें करुं इच्छिसी ।
मी कदा सोडिना तुला भक्तवत्सला जि आव्हेरिसी ।
पहिलेचि प्रीति लाविली आतां कां मजला तूं त्यागिसी ! ॥
टीप ॥ सोडिली लाज श्रीपती, देइं मज मती । दु:संगती न देईं मना ॥मम०॥१॥
जनविरुद्ध दिसे मात, आणि ध्यानांत, निंदिती आप्तवर्ग सर्वही ।
परि मी न गणीं कोणास, आस धरलीसे तुझे पायीं ॥
लौकीक सोडिला हरि ! धांब लौकरी करीं मज धरीं बुडतों भवडोहीं ।
दे सत्वर वरदान मान रक्षीं तूं विठाबाई ॥
चाल ॥ साम्राज्यसौख्यवर्धना ! गोवर्धनोद्धारणा ! हरी ! ।
राधामानसरंजान ! भवभंजना ! येइं लवकरी ।
आरामवाटिका बरी, येइं सत्वरी हृदयमंदिरी ॥
टीप ॥ तूझें म्हणविल्या आज कायसी लाजासांग यदुराज हेचि सूचना ॥मम०॥२॥
पातक म्यां केलें फार, बुद्धि अविचार पतित साचार जाण श्रीधरा ! ।
नाहि मला आधार, नेइं परपार, भक्तप्रियकरा ॥
नामाचा देईं थार, चुकविं संसार, तार वा ! बा ! तूंचि सोयरा खरा ।
धीर नसे मम मनीं, वैस हृद्भुवनीं सीतावरा ! ॥
चाल ॥ गुरुनाथ नृसिंहा हरी, स्वस्थ करिं चित्त भ्रंति वीघडी ।
वा ! मी बुडतों भवपुरी, येइं सत्वरी घालि तूं उडी ।
नामाची सांगड घेइं, नेई गोविंदा पैलथडी ॥
टीपा ॥ गुरुनाथ नृसिंहा हरी, स्वस्थ करिं चित्त भ्रंति वीघडी ।
बा ! मी बुडतों भवपुरीं, येइं सत्वरी घालिं तूं उडी ।
नामाची सांगड घेइं,, नेईं गोविदा पैलथडी ॥
टीप ॥ तूं निदानींचा एक पाहिला लेख दविं श्रीमुख गुरु चिद्धना ॥मम०॥३॥

पद ३२२ वें.

बोल एकदां, एकदां इंदुवदने । क्षेम दे मला दनुजकदने ! ॥ध्रुवपद॥
सजल धन जसा, तसा रंग तनुचा । नांइं जन्मला जनक मनुचा ।
न चले तुजपुढें, गर्व अनुचा । मारिला ज्येष्ठ पुत्र दनुचा ॥
चाल ॥ तेचि करकटीं । उभि राहुनि भिवरातटीं ।
स्वजनासी लक्षी दिठी । दिठी कंसकदने ! ॥क्षेम०॥१॥
वेष्टिलें कटीं, कटीं पीतवसन । हदयिं द्विजपायाचें भुषण ।
मकरकुंडलें, कुंडलें युक्त श्रवण । पाहतां तुझें वदननलिन ॥
चाला ॥ काम लाजला । शिवनेत्राग्नित भाजला ।
होवोनि तनय राजला । राजला पद्मनयने ! ॥क्षेम०॥२॥
तुझ्या स्वरुपाचा, स्वरुपाचा हा चाळा । लागला वृद्धतरुणबाळा ।
हौनी पिसें, पिसें आननाला । पाहसि परि न बोलसी त्याला ॥
चाल । बहुत प्रार्थित । सुर सकळ तुला विनविती ।
बोलाया कुंठित मती । मती दर्पहरणें ॥क्षेम०॥३॥
ऐकुनी तुझी, तुझी कीर्ति ऐसी । आम्हि दुर्बळ फणिपुरवासी ।
फिरत पातलों, पातलों पंढरीसी । तुला देखिलें सगुणरासी ॥
चाल ॥ बोल एकदां । दे क्षेम, चुकवि आपदा
निजसूख भोगवी सदा । गोविंद घेत धरणें ॥क्षेम०॥४॥

पद ३२३ वें.

कधिं येसिल पंढरिराया ! । भवसिंधू पार कराया, ! ॥ध्रुवपद॥
भेटीची फार अपेक्षा । काम त्यजिली अंतरसाक्षा ।
धांव रे ! पद्मदलाक्षा । सर्वांतरचित्तपरीक्षा ।
गुणगहना सर्वाध्यक्षा । स्रमहरणा येइं अलक्षा ।
स्मरहरप्रियकर यदुराया ! ॥भव०॥१॥
निढळावरि ठेवुनि पाणी । अष्टदिशा पाहतों नयनीं ।
न येसी कां माझें ध्यानीं । झालों उदास अंत:करणीं ॥
तूं दासाचा अभिमानी । सज्जनजन वदती वदनी ।
दुर करीं अविद्यात्मक माया ॥भव०॥२॥
कधिं नाहीं मुकृत घडलें । दुष्कृत बहु अंगीं भिडलें ।
तव नामीं मानस जडलें । म्यां तेंचि सख्या जिवीं धरिलें ।
गोविंदा तारी सखया ! ॥भव०॥३॥

Translation - भाषांतर
N/A

References : N/A
Last Updated : 2016-11-11T12:52:13.4070000

Comments | अभिप्राय

Comments written here will be public after appropriate moderation.
Like us on Facebook to send us a private message.

isoseismic line

  • समकंप रेखा 
RANDOM WORD

Did you know?

’ एकोद्दिष्ट श्राद्ध ’ बद्दल माहिती द्यावी.
Category : Hindu - Traditions
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site

Ved - Puran
Ved and Puran in audio format.

Status

  • Meanings in Dictionary: 644,289
  • Dictionaries: 44
  • Hindi Pages: 4,328
  • Total Pages: 38,982
  • Words in Dictionary: 302,181
  • Tags: 2,508
  • English Pages: 234
  • Marathi Pages: 22,630
  • Sanskrit Pages: 11,789
  • Other Pages: 1

Suggest a word!

Suggest new words or meaning to our dictionary!!

Our Mobile Site

Try our new mobile site!! Perfect for your on the go needs.