TransLiteral Foundation
Don't follow traditions blindly or don't assume a superstition either.
Don't be intentionally ignorant. Ask us!! Make Informed Religious Decisions!!
मराठी मुख्य सूची|मराठी साहित्य|अभंग संग्रह आणि पदे|अनेककवि कृत पदे|
गोविंदकृत पदें ३०८ ते ३१०

गोविंदकृत पदें ३०८ ते ३१०

पद हा अभंगाचाच एक प्रकार असून लयीत गाता येतो, शिवाय गाण्याची कोणतीही ठराविक वेळ नसते.


गोविंदकृत पदें ३०८ ते ३१०
पद ३०८ वें.

किती तरि तुज शिकबुं जाणारे मना सुजाणा  ! ॥ध्रुवपद॥
श्रीगुरुपदकमल धरुनि । भक्तियोग सांग करुनि ।
वैराग्यस्थिति वरोनि । सावध गुरुचरणा ॥किति०॥१॥
सांडुनियां सर्व विषय । रघुविरपर्दि करुनि आशय ।
निरमुनि माया संशय । शाश्वतपद वरिना ॥किति०॥२॥
जोडुनि कर नमन तूज । पाहुनि घे हीतगूज ।
गोविंदालागिं उमज । दे नरहरिचरणां ॥किति०॥३॥

पद ३०९ वें.

रामचंद्रपदसरोज सेविं रे ! मना ।
त्याविरहित अन्य नसो चित्तिं कामना  ! ॥ध्रुवपद॥
रघुविरपाकमल विमल । वज्रांकुश चिन्ह सव्ळ । हळ हळ दुर करुनि सकळ । ध्यायीं हृदयीं वज्रपंजरा ।
कपिध्वज ध्यानीं आणि त्या सीतवरा । दुस्तर भवसिंधु पार होईं पामरा ॥राम०॥१॥
जो दशमुखदर्पहरण । निशिदिनिं करीं हेंचि स्मरण । अर्चुनि सुख घोष करुनि गाइं त्या कपींद्रकेतना ।
दशरथप्रभुतनय दूर करिला यातना ॥राम०॥२॥
श्रीमद्रुरु नृसिंह । अरिमदगजदमन सिंह । स्मरहरप्रियकर या भुवनसुंदरा ।
निजपदीं स्थापियलें शक्तिकंदरा । तत्पदसुख दे गोविंद या नरा ॥राम०॥३॥

पद ३१० वें.

काय सांगूं सामर्थ्य हनुमंताचें ! ॥ध्रुवपद॥
मातें अंजनीच्या कुशी जन्म घेतां ।
क्षुधानळें व्यापिलें रामदूता ।
फळें आणायालागुनि गेली माता ।
तेव्हां हृदयीं आठविलें श्रीरघुनाथा ॥काय०॥१॥
उदयी बिंव आरक्त दिसे रवी ।
कोमलनेत्रीं तेजाची आभा भावी ।
फळ म्हणोनि उडाला त्यातें सेवी ।
काय सांगूं अद्धुत बळाची ठेवी ॥काय०॥२॥
ग्रहणी राहू ताडिला सव्य हातें ।
बळ सामर्थ्य दिधलें सीताकांतें ।
युद्ध केलें शचीच्या प्राणनार्थें ॥काय०॥३॥
पक्षपात करनी सुग्रीवाचा ।
मित्र केला मित्रात्मज राघवाचा ।
रणीं मर्दिला आत्मज मघवाचा ।
रजाअ केला वाळीच्या बैभवाचा ॥काय०॥४॥
सीताविरहें व्याकुळ रामराणा ।
शुद्धिसाठी प्रयत्न केले नाना ।
पुढें देखिला तो अंजनीचा तान्हा ।
नेत्र लावुनि राघवा आणी ध्याना ॥काय०॥५॥
आज्ञा होतां मुद्रिका घाली बोटीं ।
गगनमार्गे उडाला ऊर्ध्वद्दष्टी ।
सागर लंघोनि उतरला लंकावेटी ।
लंका देवी ताडितां झाली कष्टी ॥काय०॥६॥
दिव्यवनीं शिंशुपावृक्षातळीं ।
आदिमाता देखिली भद्रकाळी ।
सद्बावेंसि वंदिली जनकबाळी ।
तृतीय भाग लंकेची केली होळी ! ॥काय०॥७॥
जंबुमाळी माउनि अक्षयातें ।
रात्रिंचर बहु पावले क्षयातें ।
ब्रम्हा पत्र दे कर्तृत्वा साक्षियातें ।
विजयी भेटों आला रामरायातें ॥काय०॥८॥
सहसेनेसि मारुनि दशकंधरा ।
राज्य दिलें तयाच्या संदोदरा ।
अयोध्येसी आणिले रघुवीरा ।
वांचविलें भरतराजेश्वर ॥काय०॥९॥
राम म्हणे ऐका हनुमंता ।
चिरंजीव हो तव तनु आतां ।
अति संकटी सांभाळी माझ्या भक्ता ।
गोविंदाचा नरहरी सौख्यदाता ॥काय०॥१०॥

Translation - भाषांतर
N/A

References : N/A
Last Updated : 2016-11-11T12:52:13.1570000

Comments | अभिप्राय

Comments written here will be public after appropriate moderation.
Like us on Facebook to send us a private message.

temporary pattern

  • अस्थायी फर्मा 
RANDOM WORD

Did you know?

आत्म्याची किती आणि कोणती रूपे मानली गेली आहेत?
Category : Hindu - Beliefs
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site

Ved - Puran
Ved and Puran in audio format.