TransLiteral Foundation
Don't follow traditions blindly or don't assume a superstition either.
Don't be intentionally ignorant. Ask us!! Make Informed Religious Decisions!!
मराठी मुख्य सूची|मराठी साहित्य|अभंग संग्रह आणि पदे|अनेककवि कृत पदे|
गोविंदकृत पदें २२७ ते २३०

गोविंदकृत पदें २२७ ते २३०

पद हा अभंगाचाच एक प्रकार असून लयीत गाता येतो, शिवाय गाण्याची कोणतीही ठराविक वेळ नसते.


गोविंदकृत पदें २२७ ते २३०
पद २२७ वें

सुंदर ध्यान हरीचें । पाहतां नयनीं ।
मन उन्मन हें झालें स्वसुखेंकरुनी  ! ॥ध्रुवपद.॥
माथां किरीट विराजितसे कुंडल श्रवणीं ।
कमलदलापरि साजे शोभा नयनीं ।
बाहुचतुष्टत आयुधें धरले पाणी ।
आभरणें तनु मंडित गळां मुक्तमणी ॥सुंदर०॥१॥
ह्रुदयीं श्रीवत्सनिकेतन दोहीं भागीं ।
चंदनलेप सुगंधित, श्यामला आंगीं ।
पीतांबर कटीं शोभे केशररंगी ।
वांकी पदीं, गर्जतसे असुरालागीं ॥सुंदर०॥२॥
कमला धरी ह्र्त्कमलावरी पदकमला ती ।
संवाणी सद्भावें बहु दिनराती ।
सनकादिक योगीन हृदयीं ध्याती ।
दास गोविंदाची सुखविश्रांति ॥सुंदर०॥३॥

पद २२८ वें.

बाई  ! कधी पाहीन हा वनमाळी घेईन नव्हाळी ! ॥ध्रुवपद.॥
चिमण्या या गोपसमाजीं जेवी । दध्योदन सेवी ।
असल्या जन्मांतर सुकृतठेवी । तरि प्रीति करावी ।
त्यातें ठेवावें त्या हत्कमळीं ॥घेईन०॥१॥
ज्यातें कवटाळुनि गोपी धरिती । प्रेमें रंजविती ।
वृंदावनीं रासक्रीडा करिती । हरिसुख अनुभविती ।
छंदें बिंबोष्ठीं वाजवी मुरली ॥घेईन०॥२॥
ज्याच्या पदकमळीं पैंजण साजे । भुवनत्रयीं गाजे ।
ज्यातें स्तविती धर्मादिक राजे । गंभिरगिरा जे ।
तो हा भिवरोतिरीं भक्ताजवळीं ॥घेईन०॥३॥
सांगूं क्लेशांची कवणा वार्ता । गुरु नरहरिपरता ।
न दिसे त्रिभुवनीं मजलागुनि पाहतां । गोविंद दीनार्ता
सांगा हरिला शरणागत पाळीं ॥घेईन०॥४॥

पद २२९ वें.

श्रवण करा हरिकथा । कथा तुम्ही ! ॥ध्रुवपद.॥
पुराणपुरुष अच्युतगुण गातां । सेवा आराधनपथा पथा ॥श्रवण०॥१॥
भक्तिपुर:सर भागातातें । प्रेम करोनि मथा मथा ॥श्रवण०॥२॥
गोविंद म्हणे याविण स्वार्था । जन्म गेला वृथा वृथा ॥श्रवण०॥३॥

पद २३० वें.

कोठें क्रमिली रात्र एवढी प्राणवल्लभा ! हरी ! ।
खरं सांगा मज लवकरी ! ॥ध्रुवपद.॥
यदुकुलनलिनदिनेशा जी आश्वर्य एक गमतसे ।
बिंबाधर सुकले दिसे ॥
घुर्मित झाली दिष्टि कष्ट झाले वाटे भलतसें ।
घर्मे तनु भिजली असे ॥
चंदनलेप सुगंध अंगींचा मज कांहींना दिसे ।
लागले कोणाचें पिसें ॥
वज्रचुडयांचीं चिन्हें दिसती तुमच्या अंगावरी ॥खरं०॥१॥
तुम्ही तालेवार लोक तुम्हांला योग्य नव्हे गिरिधरा ! ।
प्राणसख्या रुक्मिणीवरा ! ॥
आज दिवस कीं माझा कळला असतां गुणगंभिरा ।
राजसा सौख्यसागरा ॥
मी लक्षित बसल्यें मार्ग केव्हांचा तुझा प्रियकरा ।
हा आर्षभाव कां बरा ॥
सेज बहुत अरुवार फुलांची रचिली जी मंदिरीं ॥खरं०॥२॥
हीन माझं प्रारब्ध बोल कोणाला ठेवूं तरी
हे रीत नव्हे कीं बरी ॥
काय मृषा प्रीतीच्या गोष्टी सांगतसां क्षणभरी ।
लक्षांश कोणावरी ॥
अष्टाधिक शतसोळासहस्र वनिता तुमच्या घरीं ।
अशी कोण मिळाली दरी ॥
तिजवरतीं हें लक्ष्य ठेइलें काय म्हणावें तरी ॥खरं०॥३॥
अति कनवाळू बाप दिनाचा प्रत्युत्तर दे तिला ।
कां भ्रंश तुला लागला ॥
भक्तासाठीं केलें धांवणें जीव माझा श्रांतला ।
म्हणऊनि घर्म अंगाला ॥
तीव्र उष्ण किरणें त्या रविचीं तेणें अधर सूकला ।
जागर बहु झाला मला ।
सर्वातरीं मी आत्मा असतां आळ घेसि मजवरी ॥खरं०॥४॥
ध्यान बहु सुंदर देवाचें पाहुनी भामा सती ।
आलिंगिला यदुपति ॥
प्रेमाश्रु हे स्रवति लोचनीं कुच तेणें भीजती ।
करी निंबलोण मागुती ॥
सप्रेमें गुरु नरहरिराया पूजिलें बहुतां रितीं ।
गोविंदाची सद्नती ॥
प्रकृतिपुरुष ऐक्याची गोडी काय म्हणावें तरी ॥खरं०॥५॥

Translation - भाषांतर
N/A

References : N/A
Last Updated : 2016-11-11T12:52:11.6570000

Comments | अभिप्राय

Comments written here will be public after appropriate moderation.
Like us on Facebook to send us a private message.

Co-operative Federal Society

  • सहकारी संघीय संस्था 
RANDOM WORD

Did you know?

उगवत्या सूर्याला नमस्कार, मावळत्या का नाही?
Category : Hindu - Traditions
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site

Ved - Puran
Ved and Puran in audio format.

Status

  • Meanings in Dictionary: 644,289
  • Dictionaries: 44
  • Hindi Pages: 4,328
  • Total Pages: 38,982
  • Words in Dictionary: 302,181
  • Tags: 2,508
  • English Pages: 234
  • Marathi Pages: 22,630
  • Sanskrit Pages: 11,789
  • Other Pages: 1

Suggest a word!

Suggest new words or meaning to our dictionary!!

Our Mobile Site

Try our new mobile site!! Perfect for your on the go needs.