TransLiteral Foundation
Don't follow traditions blindly or don't assume a superstition either.
Don't be intentionally ignorant. Ask us!! Make Informed Religious Decisions!!
मराठी मुख्य सूची|मराठी साहित्य|अभंग संग्रह आणि पदे|अनेककवि कृत पदे|
गोविंदकृत पदें २८४ ते २८७

गोविंदकृत पदें २८४ ते २८७

पद हा अभंगाचाच एक प्रकार असून लयीत गाता येतो, शिवाय गाण्याची कोणतीही ठराविक वेळ नसते.


गोविंदकृत पदें २८४ ते २८७
पद २८४ वे.

गौरीरमणा ! तूं सत्वर येईं । आलिंगन देईं ।
मजला भवत्राता, तुजविण कांहीं । भुवनत्रयिं नाहीं ।
मदनदहन, भवशयन नमन तुज, नंदिवहन, विजजनसुखदायी ॥ध्रुवपद॥
नाहीं सुकृत बा ! माझ्या पदरीं । मज दीना तारीं ।
जन्मांतर आडवें पडलें भारी । हें कोण निवारी ।
त्रिपुरदमन सुखसदन वदन मज दाखवि, मी बुडतों भवडोहीं ॥गौरी०॥१॥
हीनयाती शंबर तव नामीं । नेला निजधामीं ।
ठेवीं विरूपाक्षा ! मज पदपद्मी । या अंतर्यामीं ।
प्रागटुनि भवतम दुर करी हरि श्रम, चिद्रुप सुख गोचिंदा दावीं ॥गौरी०॥२॥

पद २८५ वें.

‘नरहरि’ हा चतुराक्षरिमंत्रसुधारस घे रसने ! ।
भवक्षयरोग निवारी श्रीगुरु निश्चय पदिं वरणें ॥ध्रुवपद॥

नवलगुरु तो देशिक माझा उपदेशिल ज्ञान ।
नयनकटाक्षें पाहतां सहज चुके हें अज्ञान ।
न करी अग्य विलक्षण वार्ता करि नामस्मरन ।
उठाव ॥ न भव पुनरपि हे रसने ! होईल कल्यान ॥न्रहरि०॥१॥
रस संपूर्ण परीक्षा करिसी तिकाम्लक्षार ।
रसीं क्षर लावुनियां वदसि जन हे लाघव फार ।
रव रव बांधित या अपवादें हे काय होय वर ।
उठावा ॥ रक्षिल हा परमात्मा अंतर वाम्हा रमावर ॥नरहरि०॥२॥
हर्ष मनीं भजनाचा तेणें तुष्टे रमानाह ।
हंस परात्पर योगी रमती अर्पुनियां देह ।
हरिनामामृत रस घे सत्वर जाईं सहदेह ।
उठावा ॥ हरिहरकीर्तनि गाईं ध्याईं तत्पदिं सुखलाह ॥नरहि०॥३॥
रिता ठाव नसे ज्यावांचुनि व्याप्त चराचरीं ।
रिद्धि सिद्धि जयाचे द्वारीं असती कामारी ।
रीस वानर नाथ नरोत्तम प्रभु दशवदनारी ।
उठाव ॥ रिणानुबंध तुझा मज गोविंदाला पदरीं धरीं ॥नरहरि०॥४॥

पद २८६ वें.

हो ! सुमंत ! राम हा श्रीमंत दाखवा ।
अंतसमय प्राप्त सीताकांत भेटवा ॥ध्रुवपद॥
मित्रकुळिं सुमित्र राम चित्र सम विचित्र गात्र विश्वामित्र सद्दश योगि
भोगिती अरूपरूप हृदयमंदिरी ।
जानकीसहित राम दाविं मंदिरीं ।
ज्यास्तव तप करिती मुनि गिरिकंदरीं ॥हो सुमंत०॥१॥
चंड द्विरदशुंड तसे मंडित भुजदंड सरळ कुंडलयुत गंडप्रभा चंड धनुर्दंड तुणिर पृष्ठिं बांधिला ।
चीर वसन त्यागुनि कटिं वल्क नेसला ।
अजिनांबर टाकुनि वनि राम बैसला ॥हो सुमंत०॥२॥
श्रीमद्रणरंगधीर अयोध्यापुरीचा अमीर सौ मित्रादिक वजीर वेष्टित मुनिवृंद राघवा ।
प्रेमभरित पाहीन मी केव्हां रमाधवा ? ।
तत्पदिं सुख घ्या तुम्ही गोविंद मानवा ॥ हो सुगंत०॥३॥

पद २८७ वें.

माझ्या सुकुमारा रामा कोणी तरिदावा. ॥ध्रुवपद॥
सुमंत निर्दय बाई ! कसी दया नाहीं ।
बुद्धिमंत मोठा त्यातें म्हणूं आतां कांहीं ? ।
माझ्या प्रारब्धाची गती विपरीत पाहीं ।
कसी ह्टी पडली याच्या भरताचि आई ॥
टीप ॥ कसा सवतीनें माये ! साधियला दावा ॥माझ्या०॥१॥
मही तुझा तो जाबाई तुज निरवीला ।
आपुलिये कन्येसाठीं स्नेह मिरवीला ।
एका सत्यासाठी राजा इनें हारवीला ।
असा कोणी नाही राजाराम फिरवीला ॥
दीप ॥ दूर वनीं गेला माझा जीवांचा विसावा ॥माझ्या०॥२॥
भारिरथी ! संग त्या वरुणासी कांहीं ।
तृपाकाळीं क्षणक्षणा पाणी ठायीं ठायीं ।
तुझा पिता राम त्यातें असोनियां देईं ॥
नदी वापि सरोवर तेथें प्रगट होईं ॥
टीप ॥ रामावरी प्रेम माये बहुत असावा ॥माझ्या०॥३॥
रामाचेनि वंश तुझा धन्य दिनकरा ! ।
तेव्हां उष्ण किरणा स्वामी तुम्ही शांत करा ।
माझीं बाळें वनीं भ्रमती सांभाळीं लेंकुरां ।
मेघा आड होईं, होई सुख रघुवीरा ॥
टीप ॥ सदैव राम माझा जवळी असावा ॥माझ्या०॥४॥
लोकप्राणसंरक्षका मंद मंद येईं ॥
श्रम वनीं चालण्याचे निवारुनि घेई ।
योगिदीक्षा ज्याची ऐसा श्रीराम विदेही ॥
टीप ॥ लवकरी येईं असा निरोप वदावा ॥माझ्या०॥५॥
अलक्षा नि:संगा योगिमनविश्रामा ! ।
आत्मारामा सत्ता तुझी चैतन्यनिष्कामा ।
हृदयस्था सद्रुरुराया ! स्वामी नरोत्तमा ! ।
चिदाकाशसूर्या आर्या दावि रूप आम्हां ॥
टीप ॥ गोविंदाचा जीव चिदानंदी मिळवावा ॥माझ्या०॥६॥

Translation - भाषांतर
N/A

References : N/A
Last Updated : 2016-11-11T12:52:12.7800000

Comments | अभिप्राय

Comments written here will be public after appropriate moderation.
Like us on Facebook to send us a private message.

rate of decay

  • ऱ्हास प्रमाण 
  • क्षयत्वरा 
RANDOM WORD

Did you know?

नाग आणि नागपंचमी यांचा परस्परसंबंध काय?
Category : Hindu - Traditions
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site