विष्णुस्मृतिः - अध्यायः ७७

आदित्यसंक्रमणं ॥७७.१॥

विषुवद्द्वयं ॥७७.२॥

विशेषेणायनद्वयं ॥७७.३॥

व्यतीपातः ॥७७.४॥

जन्मर्क्षं ॥७७.५॥

अभ्युदयश्च ॥७७.६॥

एतांस्तु श्राद्धकालान्वै काम्यानाह प्रजापतिः ।
श्राद्धं एतेषु यद्दत्तं तदानन्त्याय कल्पते ॥७७.७॥

संध्यारात्र्योर्न कर्तव्यं श्राद्धं खलु विचक्षणैः ।
तयोरपि च कर्तव्यं यदि स्याद्राहुदर्शनम् ॥७७.८॥

राहुदर्शनदत्तं हि श्राद्धं आचन्द्रतारकम् ।
गुणवत्सर्वकामीयं पितॄणां उपतिष्ठते ॥७७.९॥