TransLiteral Foundation
Don't follow traditions blindly or don't assume a superstition either.
Don't be intentionally ignorant. Ask us!! Make Informed Religious Decisions!!
मराठी मुख्य सूची|मराठी साहित्य|गाणी व कविता|गोपाळ गोडसे|
मुक्त आजला गंगा, यमुना, ग...

जय मृत्युंजय - मुक्त आजला गंगा, यमुना, ग...

गोपाळ गोडसे कवींनी मोठ्या बेहोष जिव्हाळ्याने आणि उन्मादक रसिकतेने `जय मृत्युंजय’ या कवितासंग्रहात स्वातंत्र्यवीर सावरकरांचे वर्णन केले आहे.


पराक्रमाने पुन्हा सोडविल !
मुक्त आजला गंगा, यमुना, गोदावरि अन् सरस्वती !
आणि नर्मदा, कावेरी, परि सिंधु कुठे मुक्त भारती?
स्नानासाठी अनुपस्थित का तुझे सलिल हे अंबितमे
कुणी लोटले दूर तुला गे ! तुजविण अपुरे स्नान गमे !
परचक्राचे तुला नियंत्रण ! हाय ! काय हे तुझी स्थिती !
आद्य ऋषींचे वंशज देवी ! तुला कसे गे विस्मरती !
म्लेंच्छ रेटुनी परतीरी जो विजये प्याला तुझ्या जला
पराक्रमाने पुन्हा सोडविल महाराष्ट्र एकला तुला !
तुझ्या तटावर बसलेले
ऋषिवर तप करते झाले
देव तुझ्या तोर्ये धाले
स्थान तुला देवीचे दिधले, तोषविले तू महीतला
पराक्रमाने पुन्हा सोडविल महाराष्ट्र एकला तुला
सिंधूवाचुनि हिंदु ! सरिते ! अर्थावाचुनि शब्द जसा
प्राणावाचुन कुडी जशीं वा रवितेजावाचून रसा
जिथे घडविली सामगायने पहिली, पहिल्या वेदऋचा
संध्यावंदन करुनि भास्करा अर्ध्य दिले ओघात जिच्या
सुंदर सूक्ते रचिली जेथे, यज्ञ मांडती जिथे मुनी
मंत्रोच्चारासवे आहुती करती अर्पण हुताशनी
सिंधु-हिंदुच्या भाग्याचे
संस्कृतिच्या संबंधाचे
नाते का विसरायाचे ?
विसरो कोणी ! ऋणास राहिल सह्याद्री नित्य जागला
पराक्रमाने पुन्हा सोडविल महाराष्ट्र एकला तुला
अशीच पूर्वी अंतरली तू येता म्लेच्छांचा घाला
उत्तर विजयावांचुनि गेले शिवप्रभू निजधामाला
सरसावे सेना विजयाला, चंबळ, यमुना जल प्याली
न्हाली गंगेमधे, शतद्रू आणि वितस्तेवर आली
ओलांडत चौखूर नद्या त्या सेना तव तीरी गेली
अटकेवर लावली ध्वजा अन् भूमि तुझी पावन केली
उन्मादाने थयथयती
भीमथडीचे हय, पीती
सिंधूच्या तीरावरती
बांधतील ते पुन्हा ध्वजानें हिंदु-सिंधुला हिमाचला
पराक्रमाने पुन्हा सोडविल महाराष्ट्र एकला तुला !

Translation - भाषांतर
N/A

References : N/A
Last Updated : 2013-02-12T21:02:04.6870000

Comments | अभिप्राय

Comments written here will be public after appropriate moderation.
Like us on Facebook to send us a private message.

जेथें जावें तेथें पाऊलभर पाणी

  • कोणत्याहि ठिकाणीं पाहिलें तरी उथळ असणारे 
  • (ल) उथळ ज्ञान 
  • फार सखोल अध्ययन नसलेलाः अपुरें ज्ञानः तुटपुंजी विद्वत्ता. 
RANDOM WORD

Did you know?

गणपतीची पूजा आणि व्रत फक्त पुरूषच करतात, मग फक्त स्त्रियांसाठी गणेश व्रत आहे काय?
Category : Hindu - Puja Vidhi
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site

Ved - Puran
Ved and Puran in audio format.