TransLiteral Foundation
Don't follow traditions blindly or don't assume a superstition either.
Don't be intentionally ignorant. Ask us!! Make Informed Religious Decisions!!
मराठी मुख्य सूची|मराठी साहित्य|गाणी व कविता|गोपाळ गोडसे|
चेतना जिवाला आणी । दोन ज...

जय मृत्युंजय - चेतना जिवाला आणी । दोन ज...

गोपाळ गोडसे कवींनी मोठ्या बेहोष जिव्हाळ्याने आणि उन्मादक रसिकतेने `जय मृत्युंजय’ या कवितासंग्रहात स्वातंत्र्यवीर सावरकरांचे वर्णन केले आहे.


दोन जन्म काळे पाणी
चेतना जिवाला आणी ।
दोन जन्म काळे पाणी ॥धृ०॥
शरसंधाने लंडनच्या       
नाशिक तूं केले विद्व ।
सार्वभौम नृपति विरुद्व     
मांडलेस युद्व निषिद्व ।
आरोप तुझ्यावर दोन्ही    
सप्रमाण झाले सिद्व ।
आसन अन्यायाचे ते ।
सत्तान्ध इंग्रजी होते ।
भय चैतन्याचे त्याते ।
बोलले भयानक वाणी  
दोन जन्म काळे पाणी ॥१॥
शब्दार्थाने जन्मान्ती       
शिक्षा दुस-या जन्माची ।
परि दया दंडिता द्यावी      
कनवाळू सम्राटाची ।
पन्नास पूर्ण वर्षांनी        
मुक्तता करावी याची ।
ऐकूनि शब्दच्छल असला ।
उपहासे दण्डित हसला ।
त्या दर्प मदाचा दिसला ।
वदला, कां भॊगित कोणी ?
दोन जन्म काळे पाणी ॥२॥
सांगतसे, शास्त्यांपेक्षा       
कलिकाळ दयाळू राही ।
धुडकावुनि राजाज्ञेते        
मुक्तता करी लवलाही ।
अडविण्या धर्मराजाला       
सामर्थ्य आपले नाही ।
न्याय हा अलौकिक झाला ।
लाजला काळ राजाला ।
ऋण माझे चुकवायाला ।
मृत्योत्तर देणी घेणीं  
दोन जन्म काळे पाणी ॥३॥
सांगता बायबल सूत्र        
मानव जर कोणी मेला ।
मुक्तिदिनासाठी थांबे         
पाप पुण्य ऐकायाला ।
तोंवरी गाडला राही         
जन्म दुजा नाही त्याला ।
मृत्यूनंतर जन्माची ।
धारणा हिंदुधर्माची ।
संसृति ही चालायाची ।
सूत्राला तुमच्या हाणी      
दोन जन्म काळे पाणी ॥४॥
इथुनी वर्षे पन्नास         
राहील राज्य हे काय ? ।
वाटत का शिक्षेने या       
शौर्यहीन होइल माय ? ।
धक्क्यामागुन धक्क्यांनी    
तुम्ही ध्याल काढता पाय ।
भिंतीवरच्या लेखाने ।
समजावे साम्राज्याने ।
वागवीन आनंदाने ।
बेड्यांची तोंवरी लेणी     
दोन जन्म काळे पाणी ॥५॥

Translation - भाषांतर
N/A

References : N/A
Last Updated : 2013-02-12T21:01:50.4370000

Comments | अभिप्राय

Comments written here will be public after appropriate moderation.
Like us on Facebook to send us a private message.

infuse

  • -ने प्रेरित करणे 
  • आत ओतणे, आत घालणे 
  • भिजत ठेवणे, मुरु देणे 
  • -ने प्रेरित करणे 
RANDOM WORD

Did you know?

हिंदू स्त्रियांच्या मंगळसूत्रातील काळ्या मण्यांचे महत्त्व काय?
Category : Hindu - Traditions
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site

Status

  • Meanings in Dictionary: 644,289
  • Dictionaries: 44
  • Hindi Pages: 4,328
  • Total Pages: 38,982
  • Words in Dictionary: 302,181
  • Tags: 2,508
  • English Pages: 234
  • Marathi Pages: 22,630
  • Sanskrit Pages: 11,789
  • Other Pages: 1

Suggest a word!

Suggest new words or meaning to our dictionary!!

Our Mobile Site

Try our new mobile site!! Perfect for your on the go needs.