एवढा मोठा सूर्य रात्री कुठे जातो ?
गोल चांदोमामा छोटा मोठा का होतो ?
सैपाकघरात जावेसे का वाटते ?
लाडूच्या डब्याकडे नजर का जाते ?
मी खेळत बसतो का करतो अभ्यास ?
सर्वांचे माझ्याकडे लक्ष का खास ?
असे कठीण प्रश्न माझे शंभर दोनशे
विचारायचे कुणा हा सुद्धा प्रश्नच असे ?
सगळेच कामाचे, बाबा ताई नाना
मी तेवढा रिकामा असे वाटते त्यांना
माझ्या प्रश्नांची उत्तरे
मलाच द्यावी लागणार
पण ती चूक का बरोबर
हे कसे कळणार ?