चालली मिरवणुक गीतांची माझिया;
कुणि निळीं दूकुलें नेसलिं, कुणि मोतिया.
नादांचे नूपुर घालुनिया नाचती;
रंगीत भरजरी रुपकांत मिरवती !
पाहुनी झोंक हा कुतुक नयनिं थाटतें;
परि कुठें कांहितरि चुकलेंसें वाटतें !
मनिं विचार येई सत्व पहावें तरी,
वस्त्रे नि नूपरें काढुनि करुं खातरी.
हीं विवस्त्र उघडीं फिरतिल रस्त्यांतुन,
पाहतील सगळे रसिक चकित होउन !
कल्पना आगळी वाटतसे सोज्वळ,
गाणेंपण परि का गाण्यांचें राहिल ?