श्रीमहालक्ष्मी नमन अष्टक
नमस्तेऽस्तु महामाये, श्रीपीठे सुरपूजिते । शंखचक्रागदाहस्ते, महालक्ष्मी नमोऽस्तुते ॥ १ ॥
नमस्ते गरुडारूढे, कोलासुरभयंकरि । कुमारी वैष्णवि ब्रह्मी महालक्ष्मी नमोऽस्तुते ॥ २ ॥
सर्वज्ञे सर्ववरदे, सर्वदुष्टभयंकरि । सर्व दुःखहरे देवी, महालक्ष्मी नमोऽस्तुते ॥ ३ ॥
सिद्धिबुद्धिप्रदे देवी भुक्तिमुक्तिप्रदायिनी । मंत्रमूर्ते सदा देवी, महालक्ष्मी नमोऽस्तुते ॥ ४ ॥
आद्यन्तरहिते देवी, आद्यशक्ति महेश्वरी । योगजे योगसंभूते, महालक्ष्मी नमोऽस्तुते ॥ ५ ॥
स्थूलसूक्ष्म महारौद्रै महाशक्ती महोदरे । महापापहरे देवी, महालक्ष्मी नमोऽस्तुते ॥ ६ ॥
पद्मासनस्थिते देवी, परब्रह्मस्वरूपिणि । परमेशि जगन्मातर्महालक्ष्मी नमोऽस्तुते ॥ ७ ॥
श्वेताम्बरधरे देवी, नानालंकार भूषिते । जगत्स्थिते जगन्मातर्महालक्ष्मी नमोऽस्तुते ॥ ८ ॥
॥ ॐ ऐं श्री महालक्ष्मी नमः ॥