श्री स्वामी समर्थ - तया माझा नमस्कार
अक्कलकोटचे श्री स्वामी समर्थ महाराज हे दत्तावतारी महामानव!
भक्तिचिया गावा जावे
स्वामी समर्था पहावे
समाधिस्त विश्वंभर
तया माझा नमस्कार !
जाई अनाथांच्या घरी
खाई कोरडी भाकरी
स्वामी कृपेचा सागर
तया माझा नमस्कार !
स्वामी थोर धन्वंतरी
व्याधी दु:ख दूर करी
धन्य अश्विनीकुमार
तया माझा नमस्कार !
स्वामी भजनी रंगतो
उभा कीर्तनी नाचतो
तोचि भक्तांचा आधार
तया माझा नमस्कार !
दीनानाथ दीनबंधू
स्वामी सखा कृपासिंधू
पंचभूतांचा आधार
तया माझा नमस्कार !
N/A
References : N/A
Last Updated : April 21, 2022
TOP