श्री स्वामी समर्थ - दयार्णव

श्री क्षेत्र अक्कलकोटी जाऊ
दयार्णव स्वामी समर्था पाहू

अमृतयोगी इथे प्रगटला
‘गीताधर्म’ स्वये आचरिला
विनम्रभावे चरणांवरती
भावफुलांना वाहू
दयार्णव स्वामी समर्था पाहू

जगजेठी हा लेकुरवाळा
नित्य इथे भक्तांचा मेळा
व्याप ताप संताप हराया
सन्निध त्याच्या राहू
दयार्णव स्वामी समर्था पाहू

हा तर स्वामी चराचराचा
चालक स्थिति लय उत्पत्तीचा
क्षणभंगुर हे जीवन अपुले
चला सार्थकी लावू
दयार्णव स्वामी समर्था पाहू