श्री स्वामी समर्थ - वटवृक्षचि हा

वटवृक्षचि हा छत्र धरितसे स्वामी समाधीवरी
आसमंत हा अखंड गातो दत्त प्रेमलहरी

इथे प्रगटला दत्त दिगंबर
श्री स्वामींच्या रुपे भूवर
आशीर्वच, हा, दत्त कृपेचा वर्षत सकलांवरी
वटवृक्षचि हा छत्र धरितसे स्वामी समाधीवरी

श्री स्वामींची अमृतवाणी
भक्तिफुलांची सुंदर लेणी
प्रज्ञानगरी त्यांच्या योगे झाली अलकापुरी
वटवृक्षचि हा छत्र धरितसे स्वामी समाधीवरी

भजनानंदी तल्लिन व्हावे
देहभान अवघे विसरावे
अवधूताच्या नामचिंतनी पावन हो वैखरी
वटवृक्षचि हा छत्र धरितसे स्वामी समाधीवरी

सगुण रुप हे ध्यान मनोहर मुक्तींचे माहेर शुभंकर
वास करितसे सदैव अपुल्या भक्तांच्या अंतरी
वटवृक्षचि हा छत्र धरितसे स्वामी समाधीवरी