मराठी मुख्य सूची|मराठी साहित्य|अभंग संग्रह आणि पदे|श्री निरंजन रघुनाथांचे ग्रंथ|निरंजन स्वामी कृत अभंग| अभंग ४६ ते ४९ निरंजन स्वामी कृत अभंग अभंग १ ते ५ अभंग ६ ते १० अभंग ११ ते १५ अभंग १६ ते २० अभंग २१ ते २५ अभंग २६ ते ३० अभंग ३१ ते ३५ अभंग ३६ ते ४० अभंग ४१ ते ४५ अभंग ४६ ते ४९ अभंग दत्तजन्माचे अभंग ५० ते ५४ निरंजन स्वामी कृत - अभंग ४६ ते ४९ वेदान्तशास्त्र हे नुसते बुध्दिगम्य व वाक्चातुर्यदर्शक शास्त्र नसून प्रत्यक्ष अनुभवगम्य शास्त्र आहे हे या ग्रन्थातून स्पष्ट होते. Tags : abhangmarathiniranjam raghunathअभंगनिरंजन रघुनाथमराठी अभंग ४६ ते ४९ Translation - भाषांतर अभंग ४६.तेची भक्ती खरी । देव अंतरीं बाहेरी ॥१॥चराचर नरनारी । दिसे जयालागीं हरी ॥२॥जया देवभक्तपण । नाहीं द्वैताचें भान ॥३॥बोले नित्य निरंजन । करा तयासी वंदन ॥४॥अभंग ४७.देहे पंढरी पंढरी । आत्मा उभा वीटेवरी ॥१॥लिंग देहाचें राउळ । बुद्धि रुक्मीणि वेल्हाळ ॥२॥मन पुंडलीक उगा । वृत्ति स्थिर चंद्रभागा ॥३॥निरंजन ह्मणे हरी । देखियला निजघरीं ॥४॥अभंग ४८.काय होऊं उतराई । तया सद्गुरूच्या पाईं ॥१॥ज्याच्या वचनें संसार । उठाउठीं जाला दूर ॥२॥देऊं धनसंपत्तीसी । तरि ते मिथ्या जडराशी ॥३॥देह करावा अर्पण । तरि तो नाशवंत जाण ॥४॥निरंजन ह्मणे फार । करूं आतां नमस्कार ॥५॥अभंग ४९.कामक्रोध यांनीं बहूत गांजीलें । श्रम - बहु जाले जीवालागीं ॥१॥धाव हरी आतां न पाही निर्वाण । आले पंचप्राण कंठापाशीं ॥२॥जरि तूं न येसी आतां देवराया । तरि दास वायां जाऊं पाहे ॥३॥निरंजन ह्मणे स्वामी रघुवीरा । यावें गोदातीरा दीनबंधू ॥४॥ N/A References : N/A Last Updated : November 23, 2016 Comments | अभिप्राय Comments written here will be public after appropriate moderation. Like us on Facebook to send us a private message. TOP