TransLiteral Foundation

प्रसंग पंधरावा - मनुष्‍यजन्मीं सद्‌गुरुसंगेंच मुक्ति

श्री संत शेख महंमद ( १५६०-१६५०) महाराष्ट्रातील वारकरी संप्रदायातील संत होते त्यांचे मुळ गाव श्रीगोंदा, जि अहमदनगर.
शेख महंमदाना महाराष्ट्रात कबीराचा अवतार म्हणून ओळखले जाते.


मनुष्‍यजन्मीं सद्‌गुरुसंगेंच मुक्ति
मनुष्‍यजन्मासारिखें रत्‍न । सिद्धसाधूनीं केलें जतन । स्‍वयें तरोनियां उपलक्षण जनासी बोलती ॥८२॥
बोलती परमार्थ विचार । तेणें तरिजे भवसागर । जनाचें ठायीं निर्धार । आथेंच ना कांहीं ॥८३॥
प्रतिमेसी भाव बारा वर्षे । निश्र्चय धरिजे विश्र्वासें । साक्षात्‍कार होईजे सायासें । परी मोक्ष नाहीं ॥८४॥
भाव औट घटिका सद्‌गुरुचरणीं । धरिजे मन एकाग्र करुनी । तरीच पद जोडे निर्वाणी । गुरुत्‍वाचें परियेसा ॥८५॥
सद्‌गुरुसंगें लाधलें निज गुज निकट । तेणें चारी मुक्ती दिसती हळुवट । चरणीं वागे येऊन वैकुंठ । रिद्धि सिद्धी दास्‍यत्‍व करिती ॥८६॥
परि तो न इच्छी रिद्धि सिद्धी । अंतरीं उमटती ब्रह्मविधि । मन उन्मगी लागे समाधि । सहज श्रद्धेची ॥८७॥
परमात्‍मा आणि साधु । या दोहीं नांवांत नाहीं भंदु । जैसे घृतमिश्रित असे दुधु । द्वैतीं अद्वैतपणें ॥८८॥
ईश्र्वरा साधूंत बोलणें । पंडिता पोथ्‍या वांचणें । ऐसे दोघे समाधानपणें । प्रेमें वोसंडती ॥८९॥
ऐसा सद्‌गुरूशीं धरितां भाव । तो कैसा करावा उपाव । शेख महंमदी सांगती सेव । सभे श्रोत्‍यांप्रती ॥९०॥

Translation - भाषांतर
N/A

References : N/A
Last Updated : 2016-11-11T12:53:22.3430000

Comments | अभिप्राय

Comments written here will be public after appropriate moderation.
Like us on Facebook to send us a private message.

pro vice chancellor

  • सा. प्रति कुलगुरु 
RANDOM WORD

Did you know?

लग्न ठरवितांना पत्रिका पाहणे किती योग्य आहे? पत्रिका पाहूनही कांही विवाह अयशस्वी कां होतात
Category : Hindu - Beliefs
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.