TransLiteral Foundation

श्रीकृष्ण महाराज बांदकर

श्रीकृष्ण बांदकर महाराजांचा जन्म शके १७६६ क्रोधीनाम संवत्सरात आषाढ शुद्ध ११ एकादशीच्या महापर्वणीस झाला.

श्रीकृष्ण महाराज बांदकर यांचे पद
पद ३६. वें.
आले वैष्णव सद्नुरु श्रीमत्‌ कृष्ण दयाघन उदयाला । मोहपसारा वारुनि केला, आनंदचि या समयाला ॥ धृ० ॥
अवतरले अद्वय पथरूपें, ताराया जडजीवांला । जोडुनियांकर नमितों भावें. चिन्मयपद राजीवांला ॥ आले० ॥१॥
केलें मुक्त जनांला पाजुनि, स्वरुप सुखामृत बोधाला । विस्मृतिला ग्रासुनियां दाविति, अनुपम अक्षय स्वपदाला ॥ आले० ॥२॥
ज्यांचें गळलें मीपण सारें, येइल हा अनुभव त्यांला । दास कृष्ण सुत कथितों ऐसें, प्रत्यय घेउनि सर्वांला ॥ आले० ॥३॥
पद ३७. वें.
सुदिन गमे मज आजि खरा हा लाभ जाहला हरिभजनाचा ॥ धृ० ॥
सर्व मिळुनि आम्ही नाचूं प्रेमें, होय भला उत्साह मनाचा । अमित सुकृत जरि पदरिं असे तरि, घडतें दर्शन भक्तजनाचें । हें मज
कळलें पुण्यचि फळलें, मीपण गळलें जड देहाचें ॥ चाल ॥
जयहरि विठ्ठल नाम गजर हा, तारक निश्चय हा साचा ॥ सु० ॥१॥
मिथ्या माया भज रघुराया, पार कराया हा भव सिंधु । प्रतिपालक जो भक्त जनाचा, कोणि नसे यासम दीन बंधु । जनन मरण हर अभय वरदकर, चिन्मय तनु जो आनंदकंदु । मुनि सनकादिक, नृपजनकादिक स्मरती त्या कर जोडुनी वंदुं ॥ चाल ॥
कृष्णात्मज या रंगिं रंगला, दास रघूत्तम चरणाचा ॥ सु० ॥२॥
पद ३८. वें.
टाळ धरुनियां बाळ सकळ हो, खेळखेळुंया परमार्थाचा ॥ धृ० ॥
संत जनाचा पंथ विवरुनि, योग साधुंया स्वस्वरूपाचा । कांहिं न केलें वय हें गेलें, ध्यास विवरुनि, योग साधुंया स्वस्वरूपाचा । कांहिं न केलें वय हें गेलें. ध्यास धरुनियां बहु विषयांचा ॥ चाला ॥
आतां होउनि सावध सेवूं, प्रसाद श्रीगुरुचरणाचा ॥ टाळ० ॥१॥
वाळपणी खेळांत रंगलों, तरुणपणीं संगम तरुणीचा । वृद्धपणीं तिळ सौख्य न कांहीं, राहि न कोणी जवळीं साचा । चावाया नच दंत मुखांतुनीं लाळ गळे ती बोबडि वाचा ॥ चाल ॥
या परि तीन दशा या जाती, व्यर्थचि योग न स्वसुखाचा ॥ टाळ० ॥२॥
तरि सावध व्हा या बाळांनों, गाउनियां श्रीहरि गुण नाचा । करिल कृपा श्रीराम आम्हांवरि, अभिमानी जो भक्तजनांचा । निज सुख मेवा देउनि सेवा घडविल, भम हा हरिल मनाचा ॥ चाल ॥ जोडुनियां कर मागतसे वर, संग कृष्ण सुत सुजनांचा ॥ टाळ० ॥३॥
चला अयोध्येसि जाऊं । रघुराज नयनिं पाहूं ॥ विनवितसे कृष्ण तनय निज आत्मभाग्य लाहूं ॥ आ० ॥४॥
पद ३९. वें.
आजि धन्य दिवस कळला । मज भक्तसमुह मिळला । लोळेन या संतचरणिं अभिमान सर्व गळला ॥ धृ० ॥
वाजवुनि टाळ हातीं  । मुखिं रामकृष्ण गाती । भजनीं या त्रासद बहु षट्‌ शत्रु पळुनि जती ॥ आ० ॥१॥
घरदार सर्व खोटें । देईच दु:ख मोठें ॥ श्रीहरिच्या चरणा वांचुनि सौख्य नाहिं कोठें ॥ आ० ॥२॥
मिळुनियां एक मेळा । गाऊं राम वेळोंवेळां ॥ नाचत या एकसारिखे मांहुनियां खेळा ॥ आ० ॥३॥
चला अयोध्येसि जाऊं । रघुराज नयनिं पाहूं ॥ विनवितसे कृष्ण तनय निज आत्मभाग्य लाहूं ॥ आ० ॥४॥

Translation - भाषांतर
N/A

References : N/A
Last Updated : 2014-06-13T00:34:51.9930000

Comments | अभिप्राय

Comments written here will be public after appropriate moderation.
Like us on Facebook to send us a private message.

smith chart

  • स्मिथचा तक्ता 
RANDOM WORD

Did you know?

घरातील देव्हार्‍यात कोणते देव पूजावेत आणि कोणते नाही?
Category : Hindu - Beliefs
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Status

  • Meanings in Dictionary: 717,450
  • Total Pages: 47,439
  • Dictionaries: 46
  • Hindi Pages: 4,555
  • Words in Dictionary: 325,879
  • Marathi Pages: 28,417
  • Tags: 2,707
  • English Pages: 234
  • Sanskrit Pages: 14,232
  • Other Pages: 1

Suggest a word!

Suggest new words or meaning to our dictionary!!

Our Mobile Site

Try our new mobile site!! Perfect for your on the go needs.