कुलदैवत - गणेशस्थापना

जयजयाजी देवा गणेशा । मुहूर्ते स्थापी खांबाच्या प्रकाशा ॥
ढवळा गाईन सुरेशा । रघुनाथ नोवरा ॥
देव भक्तांचा कैवारी । गणेश विघ्ने निवारी ॥
नवरदेव नोवरी । दया करी तयावरी हो ॥
बरवे दोंद देवाचे । कंठी पदक नवरत्नांचे ॥
शेंदुर चर्चिला मस्तकावरी । जास्वन सुमनाची पूजा शिरी ॥
मोदक झेली तो हातावरी । विघ्नहरण गणराज ॥
बरवी सोंड या देवाची । कंठी माळ मोतीयाची ॥
हिरे शोभती तयाची । प्रकाश पडे उदरी ॥
सभे बैसला गणराजा । चरणी नमीते सारजा ॥
ब्रीद तोडा संकट निवारणा जा । भक्ताचा विघ्न हरणा गणराजा ॥