कुलदैवत - महादेव

प्रथम शंकराच्या देवळात उंबरठ्याजवळ गेल्यावर...
देखिली शिवाची पायरी
पाप गेले बाहेरी
देखिला शिवाचा उंबरा
पाप गेले डोंगरा
देखिलं शिवाचं अंगण
घेतीलं पापानं रिंगण
देखिला शिवाचा कळस
झाला पापाचा आळस
नंदीला पूजते वेळी...
नंदी नंदी नंदुकलं
वंदीन तुझं आंदुकलं
थापटीन तुझी पाठ
तीर्थ घडली तीनशे साठ
नंदीच्या गळ्यात सोन्याचं दावं
नंदीला घेऊन काशीला जावं
नंदी तूं जा कैलासाशी
माझा नमस्कार शंकराशी