कासवालागुनु बोंडुळ गेलें

मराठी वाक्संप्रदाय - वाक्यप्रचार

   (गो.) कासव मिळवण्याच्या आशेनें गळाला लावलेले आमिष गेलें. कासव हा प्राणी मोठा व वजनदार असल्‍यामुळे तो जरी गळाला लागला तरी त्‍याला उचलणें शक्‍य नसते. तो मात्र गळाच्या टोकाचे मांस खाऊन सुटून जातो. अपुर्‍या आणि अल्‍पजीवि साधनाच्या द्वारे दुष्‍प्राप्य वस्‍तूची हांव धरणें बरे नव्हे. ती वस्‍तु तर मिळत नाहीच, उलट आपल्‍या जवळ जे असेल ते मात्र नाहीसे होते.