ऊन पाण्यानें घरें जळत नाहींत

मराठी वाक्संप्रदाय - वाक्यप्रचार

   पाणी कितीहि तापविले तरी त्याची उष्णता ती किती असणार? ती काही घरास आग लावण्याइतकी प्रखर असू शकत नाही. तेव्हां एखादा मनुष्य अंगात पराक्रम असल्याशिवाय पुष्कळ रागावला तरी त्याच्या हातून काही दुसर्‍यास विशेष अपाय होऊ शकत नाही. तोंडाने कितीहि बडबडले तरी जोपर्यंत अंगात सामर्थ्य नाही किंवा सत्ता नाही तोपर्यंत त्या बडबडीचा काही उपयोग नाही. विनाकारण शिव्याशाप देऊन कोणाचे वाकडे होत नाही.