उत्तरखण्डः - अध्यायः १७१

महादेव उवाच
संगमस्य समीपे तु सत्तीर्थं लोकविश्रुतम्
आदित्याख्यं परं तस्मान्न भूतं न भविष्यति ॥१॥
यस्य वै दर्शनं कार्यं स्नानं वै पुष्करेण तु
पूजनं चार्कपुष्पेण करवीरैस्तथा पुनः ॥२॥
तत्र श्राद्धं च दानं च कुर्युर्वै मानवाः सदा
इदमादित्यकं तीर्थं पवित्रं पापनाशनम् ॥३॥
दर्शनात्पुण्यदं तीर्थं महापातकिनामपि ॥४॥
इति श्रीपाद्मे महापुराणे पंचपंचाशत्साहस्र्यां संहितायामुत्तरखंडे सत्तीर्थमाहात्म्यंनामैकसप्तत्यधिकशततमोऽध्यायः ॥१७१॥