TransLiteral Foundation
Don't follow traditions blindly or don't assume a superstition either.
Don't be intentionally ignorant. Ask us!! Make Informed Religious Decisions!!
मराठी मुख्य सूची|मराठी साहित्य|गाणी व कविता|मध्वमुनीश्वरांची कविता|
पदे ६१ ते ७०

स्फुट पदें - पदे ६१ ते ७०

मध्वमुनीश्वरांची कविता


पदे ६१ ते ७०
पद ६१ वें घनाक्षरी
देह नाशवंत जाण । देह अविद्येची खाण । देहास पडते घाण । येक दिन न धुतां ॥१॥
देह विटाळाचें मूळ । देह मरणाचें कूळ । अंतकाळीं होते धूळ । न ये कांहीं साधितां ॥२॥
देह नरकाचें भांडार । देह रोगाचें बिढार । देह रक्ताचा विकार । ऐसें जाण शोधितां ॥३॥
देह आहे अमंगळ । देह शेवटीं भंगेल । ऐसें कळलें केवळ । मध्वनाथें बोधितां ॥४॥

पद ६२ वें घनाक्षरी
संसारीं विचार सार । सांडुनि प्रचार फार । विषयाचा कारभार । करूं नको भाई रे ॥१॥
व्यर्थ तुझी येरझार । धरूं नको परिवार । ममता हे अनिवार । फार इची घाई रे ॥२॥
रूप तुझें निर्विंकार । ब्रह्मपदीं अधिकार । असोनिया अहंकार । सोडुनिया पाही रे ॥३॥
मध्वनाथ वारंवार । सांगतो प्रकार सार । सद्गुरु हा निर्विकार । लाग त्याचे पायीं रे ॥४॥

पद ६३ वें घनाक्षरी
धरुनि सात्त्विकाचा वेष । करिती सज्जनाचा द्वेष । हा येक देखिला विशेष । कलियुग लागतां ॥१॥
उगाच वाजविती टाळ । कंठीं रुद्राक्षाची माळ । पीडदंड भगपाळ । उजगरीं वागतां ॥२॥
भगलीचें निरुपण । कीर्तन करितों आपण । दुसर्‍याचें तें कृष्णार्पण । स्वयें कृपण मागतां ॥३॥
मध्वनाथ म्हणे मत । घरोघरीं हे घुमत । भांग पिऊनि उन्मत्त । न ये कांहीं सांगतां ॥४॥

पद ६४ वें घनाक्षरी
मीच गोसावी सज्जन । माझें करावें पूजन । द्यावें मिष्टान्न भोजन । ऐसें शिष्यां उपदेशी ॥१॥
मज घाला नमस्कार । करा पूजा पुरस्कर । ऐसा देतो तिरस्कार । जनालागीं विदेशी ॥२॥
ऐका सांगतों साधन । मज द्यावें अवघें धन । करा आत्मनिवेदन तेंच पावल जगदीशीं ॥३॥
आपला रडतें जें रड । त्याचें ज्ञान काय धड । ऐसें प्रस्थान अवजड । मध्वनाथ निरसी ॥४॥

पद ६५ वें घनाक्षरी
पहा कथेचा कल्लोळ । श्रोते मिळाले ते टोळ । मृदंगाचा टाळवोळ । रंग कोण मातला ॥१॥
निर्भय बोलतो लोकांत । होतो नकलांचा आकांत । चित्तीं नाहीं रमाकांत । हास्यरती रातला ॥२॥
आपण म्हणवितो हरिदास । करितो संतांचे उपहास । कांहीं केल्या न सुटे आस । हाच दुकान घातला ॥३॥
ऐसा गायक अघोर । त्यासी न मानिती थोर । सभेमध्यें फजीतखोर । मध्वनाथ्हें नाथिला ॥४॥

पद ६६ वें घनाक्षरी
आतां असोत गुणदोष । न करावा कंठषोष । आपला आपण संतोष । मानुनि काळ क्रमावा ॥१॥
दिसोन येतां दीर्घद्वेष । नाहीं आपल्यास विशेष । होती बहुतांला क्लेश । ऐसा वाद शमावा ॥२॥
कैचा सज्जन दुर्जन । अवघा जनीजनार्दन । चिदानंदविवर्धन । सर्वाहूतीं नमावा ॥३॥
करितां सकळांसी सख्य । तरीच पाविजेल सौख्य । मध्वनाथ म्हणे मुख्य । अहंकार दमावा ॥४॥

पद ६७ वें घनाक्षरी
करुनि वेदांतश्रवण । कळला माझा मी कवण । जैसें उदकीं लवण । तैसा स्वरुपीं मिळाला ॥१॥
त्याची लीला अभिनव । जाला स्वरुपानुभव । भोगी साम्राज्यवैभव । सर्वांहुनी निराळा ॥२॥
बरवें शोधुनि शास्त्रास । धरिला विषयाचा त्रास । केला मीपणाचा ग्रास । प्रपंचाहुनि वेगळा ॥३॥
मध्वनाथा तो ब्राह्मण । जीवन्मुक्त त्यास म्हण । परमहंस शिरोमण । श्रीशुकयोगी चांगला ॥४॥

पद ६८ वें घनाक्षरी
जालें वेदांतांचें राज्य । छत्र उभारिलें आज । वरकड शास्त्रें आलीं वाज । जीव घेउनि पळालीं ॥१॥
येवढा समर्थ प्रताप । केलें साधक निष्पाप । गेला प्रपंचविलाप । सर्व दुःखें जळालीं ॥२॥
साधक फिरताति निर्भय । पद पावती अद्वय । अहंभावाचा विजय । करितां द्वंद्वें गळालीं ॥३॥
श्रीशुकयोगी चक्रवर्ती । ज्याची लोकत्रयीं कीर्ति । शुद्ध जीवन्मुक्त मूर्ति । मध्वनाथीं मिळाली ॥४॥

पद ६९ वें
जाला गोसावी । इंद्रियें पोसावीं ॥ध्रु०॥
कंथा गळांची । बहु थीगळाची । पंथ धरी वेगळांची ॥१॥
माथां टोपी । मना नाटोपी । मोठा खटाटोपी ॥२॥
हातीं काठी । कथा थाटी । शिष्य पदें पाठी ॥३॥
लावी गाथा । हालवी माथा । न भजे मध्वनाथा ॥४॥

पद ७० वें
तेव्हां गोसावी । जेव्हां सुखदुःखें सोसावी ॥ध्रु०॥
मानी प्रतिष्ठा शूकरविष्ठा । ध्यानीं अंतरनिष्ठा ॥१॥
न धरी लोभा न करी शोभा । निंदितां न मनीं क्षोभा ॥२॥
न धरी अहंता पूजी महंता । वर्णितो गुणवंता ॥३॥
मध्वनाथा वंदी कोण्हा ना निंदी । मग तो परमानंदी ॥४॥

Translation - भाषांतर
N/A

References : N/A
Last Updated : 2017-05-28T19:50:29.8630000

Comments | अभिप्राय

Comments written here will be public after appropriate moderation.
Like us on Facebook to send us a private message.

शेवट

  • पु. अखेर ; परिणाम ; अंत ; समाप्ति ; अंतिम अवस्था . १ - न . टोक ; अग्र ; कड ; कडेचा भाग ; अंतिम भाग . २ बंदुकीचा तोडा . [ सं . सीमन् ‍ - सीमा ] शेवट घेणे - अखेरीस नेऊन पोचविणे ; संपविणे ; समाप्त करणें ; अखेर करणे शेवटचा - वि . १ अखेरचा ; अंतिम . २ सर्वांत धाकटा . शेवटचा आदितवार - पु . कधीहि न येणारा दिवस . 
  • ०च्याआदितवारी कधीहि नव्हे ; कदापि न ; केव्हाहि नाही . शेवटची पालखी - स्त्री . प्रेताची तिरडी . शेवटच्या बांधण्यास पाणी मोडणे - अखेरच्या अटी सांगणे ; कमाल मागणी करणे ; अंतिम हेतु कळविणे . सरशेवटी - अखेरीस , सर्व संपल्यावर ; अंतिम अवस्थेमध्ये . शेवटणे - अक्रि . १ टोक काढणे ; बोथट झालेले टोक ( छिनी वगैरेचे ) तीक्ष्ण करणें ; धार लावणे . पहार शेवटायला हवी होती . २ घोडयास वगैरे चाबकाच्या अग्राने किंचित मारणे . ३ ( राजा . ) टोकांस , शेवटास लागणे ; चांटून ; घासून जाणें ( गोळी , तीर , नेम वगैरे ). ५ शेवटी येणे , अखेरीस होणें , घडून येणे . परिपरिणामी शेवटे । अवश्य मरण । - ज्ञा १८ . २४९ शेवटता - क्रिवि . निसटता ; घासून जाणारा ; चाटून जाणारा ; चुटमुटका . ( क्रि० लागणे ; जाणे ). शेवटाला , शेवटील - वि . अखेरचा ; अंतिम ; शेवटचा . शेवडा - वि . ( राजा . ) गांवाच्या शेवटी राहणारा . शेवडे हे आडनांव परांजपे , आपटे , गोखले या चित्पावन व एका कर्‍हाडा घराण्याचें आहे . शेवटोर - क्रिवि . शेवटपर्यंत ; अखेरपावतों . सकळ राज्य तंत्रहि डबीर नारोपंताचे स्वाधीन करून शेवटोर ही चालवीत आले - तंजावर शिलालेख ९६ . २३ . [ शेवटवर ] 
  • ना. निकाल , परिणाम ; 
  • ना. अंत , अखेर , इतिश्री , समाप्ती ; 
More meanings
RANDOM WORD

Did you know?

नाग आणि नागपंचमी यांचा परस्परसंबंध काय?
Category : Hindu - Traditions
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site

Ved - Puran
Ved and Puran in audio format.

Status

  • Meanings in Dictionary: 644,289
  • Dictionaries: 44
  • Hindi Pages: 4,328
  • Total Pages: 38,982
  • Words in Dictionary: 302,181
  • Tags: 2,508
  • English Pages: 234
  • Marathi Pages: 22,630
  • Sanskrit Pages: 11,789
  • Other Pages: 1

Suggest a word!

Suggest new words or meaning to our dictionary!!

Our Mobile Site

Try our new mobile site!! Perfect for your on the go needs.