TransLiteral Foundation
Don't follow traditions blindly or don't assume a superstition either.
Don't be intentionally ignorant. Ask us!! Make Informed Religious Decisions!!
मराठी मुख्य सूची|मराठी साहित्य|गाणी व कविता|मध्वमुनीश्वरांची कविता|
१ ते ३

हनुमानाचीं पदें - १ ते ३

भारत इतिहास - संशोधक - मंडळ - पुरस्कृत - ग्रंथ - माला


१ ते ३
अभंग १ ला
पाटावांच्या करिती चिंध्या ॥ काय जाणती स्नानसंध्या ॥१॥
ज्याचें कपाळ ते हुलें ॥ त्यासीं परब्रम भुललें ॥२॥
लिखा अंडावरील खाती ॥ जैसी मर्कटाची जाती ॥३॥
पानफूल फळ खावें ॥ आपलें इंद्रिय चोखावें ॥४॥
नाहीं आचरविचार ॥ सदा प्रिय व्यभिचार ॥५॥
त्यांचें अवगुण न मानी ॥ तेही मिरविलें विमानीं ॥६॥
रामें तारिलें वानरां ॥ कैसा उद्धरिना नरा ॥७॥
सेतुंधनाच्या मिसें ॥ देवें सरतीं केलीं रिसें ॥८॥
आम्ही आहों नरपशु ॥ नाहीं पुण्याचा तो लेशु ॥९॥
मुख्य अंजनीसुत ॥ त्याचा म्हणवितो दूत ॥१०॥
आम्हांवरी कृपा पूर्ण ॥ समजे मध्वनाथ खूण ॥११॥

पद २ रें
विजयी माझा श्रीहनुमान । अंजनीनंदन शौर्यनिधान ॥ध्रु०॥
उपजत ज्यानें दिनमणि धरिला । आम्रफळाचा जाणुनि वान ॥१॥
अंतक कलयुगीं ताम्रमुखाचा । साचे सुग्रीवास प्रधान ॥२॥
कौपिन कटितटीं हाटकाचा । कपिकटकाचा मुख्य प्राण ॥३॥
घेउनि मुद्रा तरुनि समुद्रा । गेला आला हे महिमान् ॥४॥
अखया मारुनि लंकेशाला । दिधलें रंकाचें उपमान ॥५॥
वन विध्वंसुनी दशवदनाचा । केला दाटुनिया अपमान ॥६॥
जाळित सुटला नगरी तेव्हां । साह्य जाला तो पवमान ॥७॥
सीताशुद्धिस घेउनि आला । गौरवी जाला श्रीभगवान् ॥८॥
शोकविनाशक जानकीचा । म्हणउनी राघव दे बहुमान ॥९॥
द्रोणाचल रणीं घेउनी आला । वांचवी राघवबंधु सुजाण ॥१०॥
कपटी काळनेमीस निवटी । करुनि तपोवनिं तें जलपान ॥११॥
उपवासप्रिय तो शनिवारीं । दोषनिवारक तें अभिधान ॥१२॥
वज्रशरीरी कीर्तनीं उभा । श्रीरामाचें हें वरदान ॥१३॥                                                                                                                                                                                                                                                                                                                                                                                                                                                                        
त्रिभुवनिं ज्याला विषम न भासे । ब्रह्म सनातन सर्व समान ॥१४॥
मर्कट बळकट ब्रह्मचारी । धरि निजदासाचा अभिमान ॥१५॥
मध्वमुनीश्वर बलभीमाचा । अनुचर येथें कां अनुमान ॥१६॥

पद ३ रें
पहा नयनीं हनुमंत । ज्यासी वानिती महंत ॥ ज्याचा महिमा अनंत । मुख्य प्राण रामाचा ॥१॥
सदा बांधुनिया माज । करी राघवाचें काज ॥ ज्याचें शिरीं रघुराज । सेवक पूर्ण रामाचा ॥२॥
स्वामी रामाचें वहन । केलें लंकेचें दहन ॥ ज्याचें करणें गहन । बलभीम नामाचा ॥३॥
सर्वां देवांचा वरिष्ठ । वारी दासांचें अरिष्ट ॥ मध्वनाथीं एकनिष्ठ । मानिती हा नेमाचा ॥४॥

Translation - भाषांतर
N/A

References : N/A
Last Updated : 2017-05-21T05:15:22.4270000

Comments | अभिप्राय

Comments written here will be public after appropriate moderation.
Like us on Facebook to send us a private message.

abundant factor

  • प्रचुर साधनकारक 
RANDOM WORD

Did you know?

अशुभ कार्य करून आल्यावर, घरात प्रवेश करण्यापूर्वी पाय कां धुवावेत?
Category : Hindu - Traditions
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site

Ved - Puran
Ved and Puran in audio format.

Status

  • Meanings in Dictionary: 644,289
  • Dictionaries: 44
  • Hindi Pages: 4,328
  • Total Pages: 38,982
  • Words in Dictionary: 302,181
  • Tags: 2,508
  • English Pages: 234
  • Marathi Pages: 22,630
  • Sanskrit Pages: 11,789
  • Other Pages: 1

Suggest a word!

Suggest new words or meaning to our dictionary!!

Our Mobile Site

Try our new mobile site!! Perfect for your on the go needs.