भक्ति गीत कल्पतरू - नाही मी जाणार ॥देवा॥ नाही...

नाही मी जाणार ॥देवा॥ नाही कुठे जाणार ॥धृ०॥

सोडुनी या तव दिव्य पदाते । भटकत कोण फिरणार ॥देवा॥

नाही कुठे जाणार॥१॥

तीर्थक्षेत्र चरणीं तुझ्या ह्या । अखंड मज घडणार ॥देवा॥नाही कुठे० ॥२॥

व्रतें तपांदी दानें सर्वही । सेवेने होणार ॥देवा। नाही कुठे० ॥३॥

निशिदिनीं हरी तव भजनीं रंगुनी । प्रेम सुख घेणार ॥देवा॥नाही कुठे० ॥४॥

प्रेम सुखामध्ये वृत्ति वारीची । मुरुनीया राहणार सदोदित ॥

मुरुनीया राहणार ॥देवा॥नाही कुठे जाणार ॥५॥