वृन्दारण्ये चर चरण दृक् पश्य वृन्दावनश्री-
र्जिह्वे वृन्दावनगुणगुणान् कीर्त्तय श्रोत्रदृष्टान् ।
वृन्दाटवया भज परिमलं घ्राण गात्र त्वमस्मिन्
वृन्दारण्ये लुठ पुलकितं कृष्णकेलिस्थलीषु ॥२३०॥
कदा नु वृन्दावनकुञ्जमण्डले भ्रमम्भ्रमं हेमहरिन्मणिप्रभम् ।
संस्मृत्य संस्मृत्य तदद्भुतं प्रियं द्वयंद्वयं विस्मृतिमेतु मेऽखिलम्
कदा नु वृन्दावनवीथिकास्वहं परिभ्रमञ्च्छयामलगौरमद्भुतम्
किशोरमूर्तिद्वयमेकजीवनं पुरःस्फुरद्वीक्ष्यपतामि मूर्छितः ॥२३२॥