यद्रोमरन्ध्रपरिपूर्तिविधावदक्षा वाराहजन्मनि बभूवुरमी समुद्राः ।
तन्नाम नाथमरविन्ददृशं यशोदापाणिद्वयान्तरजलैः स्नपयाम्बभूव ।
यशोदया समा कापि देवता नास्ति भूतले ।
उलूखले यमा बद्धो मुक्तिदो मुक्तिमिच्छति ॥१९६॥
किं ब्रूमस्त्वां यशोदे कति कति सुकृतक्षेत्रवृन्दानि पूर्वं
गत्वा कीदृग्विधानैः कति कति सुकृतान्यजिंतानि त्वयैव ।
नो शक्रो न स्वयम्भूर्न च मदनरिपुर्यस्य लेभे प्रसादं
तत् पूर्णं ब्रह्म भूमौ विलुठति विलपन् क्रोडमारोढुकामः ॥१९७॥