संत जनाबाई - नम्रतेविण योग्यता मिरविती...

नम्रतेविण योग्यता मिरविती । ते केवीं पावती ब्रह्मसुख ॥१॥

लटिकें नेत्र लावूनि ध्यान पैं करिती । ते केवीं पावती केशवातें ॥२॥

एक संत म्हणविती नग्न पैं हिंडती । अंतरींची स्थिति खडबड ॥३॥

झालेपणाचे गुण दिसताती सगुण । वस्तु ते आपण होऊनि ठेली ॥४॥

सागरीं गंगा मिळोनि गेली जैसी । परतोनि तियेसी नाम नाहीं ॥५॥

नामयाची जनी निर्गुणीं बोधिली । ठेवा जो लाधली पांडुरंग ॥६॥