TransLiteral Foundation

अयोध्याकांडम् - काव्य १ ते ५०

प्रत्येक कडव्यातील दुसरे अक्षर वाचा - श्री रा म ज य रा म ज य रा म


काव्य १ ते ५०
स श्री दशरथो राजा रामाय गुणशालिने
उद्यतोsभूद्यौवराज्यं दातुं गुर्वनुमोदितः ॥१॥
प रा भ्युदयसद्धेतावभिषेकेsपि वल्लभा
विघ्नं चकार कैकेयी मंथराभिन्नधीर्बलात्. ॥२॥
स म र्थोsपि नृपः सत्यपाशबद्धोsबलोsभवत्,
निर्बंधात्पूर्वदत्तौ सा वरौ जग्राह निर्घृणा. ॥३॥
` भ ज तामद्य भरतो यौवराज्यमकंटकम्
रामश्चतुर्दस समाश्चीराजिनधरो वनम्. ' ॥४॥
अ य शस्करमेवं तत्तस्या आकर्ण्य भाषितम्
राजोवाच, ` सुदुर्बुद्धे ! किमिदं ते चिकीर्षितम् ? ॥५॥
नि रा गसं प्रियं रामं देवि ! न त्यक्तुमर्हसि
मूर्ध्ना स्पृशामि ते पादावि'त्यप्यार्ततरोsब्रवीत्. ॥६॥
सा म व्यर्थमभूद्राजा मूर्च्छामसकृदागतः
कैकेयीसदने रात्रिं सर्वां दुःखेन सोऽनयत्. ॥७॥
द्वि ज श्रेष्ठो वसिष्ठोऽथ सुमंत्रं सचिवोत्तमम्
प्रातः प्रोवाच, ` राजानमभिषेकार्थमानय. ' ॥८॥
स य यावाशु कैकेयी सदने तं नृपोत्तमम्
ददर्श भूमावस्वस्थं पतितं शोकविह्वळम्. ॥९॥
प्रां ज लिः स सुमंत्रस्तं स्तुत्वोवाच प्रब्बोधयन्,
` गुरू रामाभिषेकार्थं राजेंद्र ! त्वां प्रतीक्षते. ' ॥१०॥
प्रि य मप्याह तं राजा शोकरक्तेक्षणस्तदा,
` वाक्यैस्तु खलु मर्माणि मम भूयो निकृतसि. ' ॥११॥
स रा जवाक्यं करुणं श्रुत्वा दीनं च तं प्रभुम्
दृष्ट्वा बद्धांजलिः किंचित्तस्माद्देशादपाक्रमत्. ॥१२॥
स म यज्ञाथ कैकेयी प्राह, ` मंत्रिन् ! समुत्सुकः
रामाभिषेकहर्षेण सुतरां जातजागरः. ॥१३॥
स श्री मानयमद्यैव राजा निद्रामुपागतः
राममानय, भद्रं ते, नात्र कार्या विचारणा. ' ॥१४॥
न रा धिपतिपत्न्येत्थमुक्तः स सचिवोऽब्रवीत्,
` अश्रुत्वाहं प्रभोर्वाक्यं कथं गच्छामि भामिनि ! ' ॥१५॥
तं म हीपतिरप्याह, ` गच्छ, राममिहानय '
इत्युक्तः सचिवः प्राप रामप्रासादमाशुगः. ॥१६॥
` त्वां ज गत्याः पतिर्द्रष्टुमिच्छती'त्याह सांजलिः
रामोऽपि सीतामापृच्छ्य हृष्टो राजानमभ्यगात्. ॥१७॥
अ य थापूर्वरूपस्य स पूर्वं चरणौ पितुः
ववंदे राघवः पश्चात्कैकेय्याः सुसमाहितः. ॥१८॥
स रा जा ` राम ' इत्युक्त्वा बाष्पपर्याकुलेक्षणः
शशाक दीनतामाप्तो नेक्षितुं नाभिभाषितुम्. ॥१९॥
तं म नुष्येश्वरं दृष्ट्वा तथारूपं भयावहम्
रामोऽपि भयमापन्नः पदा स्पृष्ट्वेव पन्नगम्‍ ॥२०॥
प्रां ज लिः प्राह कैकेयीं, ` मम वान्यस्य वागसा
क्रुद्धः प्रभुस्तदाचक्ष्व मातरेनं प्रसादय. ' ॥२१॥
स्व य माहातिधृष्टा सा, ` नायं क्रुद्धो नराधिपः
राम ! व्यसनमप्यस्य न च किंचन विद्यते. ॥२२॥
रा ज श्रेष्ठः कुमारायं त्वद्भयाद्वक्ति न स्फुटम्
प्रियं त्वामप्रियं वक्तुं नास्य वाणी प्रकर्तते. ॥२३॥
त्वं य न्मह्यमनेनास्ति स्वयं राम ! प्रतिश्रुतम्
तदवश्यं कुरु क्षिप्रं पितुरान्रुण्यमाप्नुहि. ॥२४॥
पु रा मह्यं वरं दत्वा स्वयं मामभिपूज्य च
स पश्चात्तप्यते राम ! यथान्यः प्राकृतस्तथा. ॥२५॥
म म राम ! प्रतिज्ञाय ददानीति वरं प्रभुः
स निरर्थं गतजले सेतुं बंधितुमिच्छति. ' ॥२६॥
तां श्री मानब्रवीद्गामो, ` मातर्वाक्यात्प्रभोरहम्
भक्षयेयं विषं तीक्ष्णं पतेयं पावकेऽर्णवे. ॥२७॥
ध रा पतेर्वचो ब्रूहि मातर्यदभिकांक्षितम्
करिष्ये प्रतिजाने च रामो द्विर्नाभिभाषते. ' ॥२८॥
तं म होग्रमतिः प्राह, ` राज्ञा दत्तौ बरौ मम
पुरा देवासुरे युद्धे मया गुप्तेन संकटे. ॥२९॥
अ ज वंशप्रदीपोऽयं भरतस्याभिषेचनम्‍
तत्र मे याचितो राम ! गमनं तव कानने. ॥३०॥
स य द्यसि निदेशे त्वं राज्ञानेन प्रतिश्रुतम्‍
कुर्वरण्यं प्रवेष्टव्यं चतुर्दश समास्त्वया. ॥३१॥
त्वं रा जानमृतं कर्तुं जटाचीरधरो भव,
सप्त सप्त च वर्षानि दंडकारण्यमाश्रितः. ॥३२॥
ग म नं त्वमयोध्याथ कुर्वद्यैव वनं पति,
युवराजोऽस्तु भरतः सत्यसंधः पिता तव. ' ॥३३॥
स्व ज नप्रियक्रुद्रामःप्रोवा ` चांब ! स्वयं कुतः
राज्ञा नाज्ञाप्यते वाचा भरतस्याभिषेचनम्, ॥३४॥
प्रि य मस्य भवत्याश्च कर्तुं मातरहं धनम्
प्राणान्सीतामपि भ्रात्रे  दद्यां त्वत्प्रेरितः सुखम्. ' ॥३५॥
भु ज गोवोग्ररूपा सा पुनरूचे, ` ऽगते त्वयि
रामायं तव तातो न स्रास्यते भोक्षतेऽपि वा. ॥३६॥
श य ने न्यपतद्राजा तच्छ्रुत्वाश्रुपरिप्लुतः
`धिक्कष्ट'मिति निश्वस्य कैकेय्या वागिषुक्षतः. ॥३७॥
तं रा जानं समुत्थाप्य कैकेय्याभिप्रचोदितः
कशयेवाहतो वाजी रामो गंतुं कृतत्वरः. ॥३८॥
ता म ब्रवी`दर्थपरो नाहं मातरसंशयम्
विद्धि मामृषिभिस्तुल्यं विमलं धर्ममास्थितम्. ॥३९॥
या श्री मतोऽस्य प्रीतिः सा मया कार्या निजासुभिः
न ह्यतो धर्मचरणं किंचिदस्ति महत्तरम्‍. ॥४०॥
त्वरा वानधुनैवांब ! हवत्या वचनादहम्
वने वत्स्यामि विजने वर्षाणि हि चतुर्दश. ॥४१॥
क्ष म स्व तावत्कैकेयि ! यावत्ताम पुत्रवत्सलाम्‍
कौसल्यामहमापृच्छय सीतां चानुनयाम्यहम्. ॥४२॥
वि ज नं दंडकारण्यं गत एवाहमाज्ञया
शुश्रूषस्व नृपं, कष्टं परमं चरमं वयः. ॥४३॥
न य विद्धर्मवित्साधुर्भरतो न रतोऽपथि
शूश्रूषामस्य सततं यथा कुर्यात्तथा कुरु. ' ॥४४॥
स रा मस्य वचः श्रुत्वा भृशं दुःखगतः पिता
शोकादशक्रुवन्वक्तुं प्ररुरोद महास्वनम्‍ ॥४५॥
न म स्कृत्वा नृपं स्त्रैणं कैकेयीमपि दुर्धियम्‍
रामः प्रदक्षिणीकृत्य मातुरंतिकमाययौ. ॥४६॥
तं ज नन्या गृहं यांतं कुपितो लक्ष्मणोऽन्वगात्
कैकेयीं तद्वशं तातं हंतुकामो महाबलः. ॥४७॥
प्रि य पुत्राथ कौसल्या पतितं पादयोः सुतम्
आलिंग्य मूर्ध्न्यवघ्राय ददावाशिषमुत्तमाम्‍. ॥४८॥
वि ज नं दंडकारण्यं प्रस्थितो राघवोऽब्रवीत्‍,
` गमिष्ये वनवासाय मामनुज्ञातुमर्हसि. ॥४९॥
प्र य च्छति महाराजो भरताय वसुंधराम्‍,
मां पुनर्दंडकारण्यं विवासयति तापसम्‍. ॥५०॥

Translation - भाषांतर
N/A

References : N/A
Last Updated : 2016-11-11T11:54:37.2700000

Comments | अभिप्राय

Comments written here will be public after appropriate moderation.
Like us on Facebook to send us a private message.

मेदिनी

  • स्त्री. भूमि ; पृथ्वी . [ सं . ] 
  • f  The earth. 
  • ०वसन न. समुद्र ; सागर . 
  • n. पृथ्वी का एक नाम । भगवान् विष्णु के द्वारा मधु एवं कैटभ नामक दो दैत्यों का वध होने पर, उनकी लाशें जल में डूब कर एक हो गयी, एवं उन्हीके भेद से सारी पृथ्वी आच्छादित हों गयी । इसी कारण पृथ्वी को ‘मेदिनी’ नाम प्राप्त हुआ (मधुकैटभ देखिये) । 
RANDOM WORD

Did you know?

श्रीयंत्र स्थापना व मुहूर्त याबद्दल माहिती द्यावी.
Category : Hindu - Puja Vidhi
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.