TransLiteral Foundation

श्रीगुरुबोध ग्रंथ - द्वितीय प्रकरण

श्रीकृष्ण बांदकर महाराजांचा जन्म शके १७६६ क्रोधीनाम संवत्सरात आषाढ शुद्ध ११ एकादशीच्या महापर्वणीस झाला.

द्वितीय प्रकरण
॥ श्रीगणेशायनम: ॥ त्रिविधतापें तापलों । दारापुत्रीं उबगलों । प्रपंच करितां त्रासलों । वारंवार ॥१॥
या दु:खांतूनि पार करी । ऐसा कोण या संसारीं । मिळेल तरी चरणांवरी । लोळेन त्यांच्या ॥२॥
ऐसी करितां तळमळ । भिऊं नको ऐसा मंजूळ । शब्द ऐकूं आला प्रांजळ । देहामागें ॥३॥
आनंदी आनंद वाटला । दु:खसागर आटला । चिन्मय मूर्ति भेटला । सद्नुरुराज ॥४॥
पाहतां दिव्यकांति । डोळे दिपोनि गेले निश्चितीं । सर्व भावें चरणांप्रती । शरण गेलों ॥५॥
तनुमनधन अर्पिलें । मग प्रार्थनेतें आरंभिलें । मज संसारापासोनि तारिलें । पाहिजे स्वामी ॥६॥
देहबुद्धीनें नाडलों । अत्मस्वरूपा विसरलों । विषयरंगीं रंगलों । रात्रदिवस ॥७॥
माझा पुत्र माझी कांता । सुखी राहो ऐसी चिंता । एकही दिवस भगवंता । नाठविलें जी ॥८॥
व्यापार बहुत चालविला । आयुष्यकाळ घालविला । ज्ञानदीप मालविला । प्रपंचवातें ॥९॥
आतां बुद्धि आठवली । माझी वयसा व्यर्थचि गेली ।  पश्चात्तापें उबगली । चित्तवृत्ती ॥१०॥
यासि आतां काय करूं । कैसेनि हा संसार तरूं । दु:खसागराचा परपारू । पावेन जी ॥११॥
मी तुमचा सर्वभावें । तुम्हां पाहिजे तें करावें । धरावें कीं सोडावें । तुम्हांपाशीं ॥१२॥
शरणागतांचें रक्षण । हेंचि आपुलें ब्रीद जाण । तरी तारावें मजलागून । सद्‌गुरुस्वामी ॥१३॥
तुम्ही ईश्वराचे अवतार । सर्वजगासी आधार । तुम्हांसि माझा नमस्कार । साष्टांग भावें ॥१४॥
तुमच्या कृपेचा पारु । नेणवे ब्रम्हादिकां निर्धारु । भवसागरींचें तारूं । हेचि पाय ॥१५॥
मी बालक अज्ञान ।  करावया न कळे स्तवन । मंदमति हीन दीन । पायीं पडतों ॥१६॥
तुमचें नाम पतितपावन । मी पतीत आलों शरण । आतां माझें उद्धरण । करावें जी ॥१७॥
ऐसी करोनि प्रार्थना । साष्टांग नमस्कार चरणां । घातला तेव्हां सद्‌गुरु राणा । कृपेनें द्रवला ॥१८॥
प्रेमें कवटाळूनि ह्रदयासी । कूर्मद्दष्टीं पाहिलें मजशीं । बोलिले बाळा कष्टी झालासी । बहुत जन्म घेउनी ॥१९॥
अभयवचन दिधलें । तेणें मन सुखावलें । भवभय पळोनि गेलें । त्याचिवेळीं ॥२०॥
इति श्रीगुरुबोध ग्रंथ । श्रवणें लाभे मोक्षपंथ । मननाभ्यासें श्रीभगवंत । ह्रदयीं भेटे ॥२१॥
इति श्रीगुरुबोधे द्वितीय प्रकरणं संपूर्णम्‌ ॥२॥

Translation - भाषांतर
N/A

References : N/A
Last Updated : 2016-12-16T20:54:06.2130000

Comments | अभिप्राय

Comments written here will be public after appropriate moderation.
Like us on Facebook to send us a private message.

hinder

  • विघ्न आणणे 
  • बाधा आणणे 
  • बाधा आणणे 
  • विघ्न आणणे 
More meanings
RANDOM WORD

Did you know?

भावाला राखी बांधण्यामागील धार्मिक अथवा भावनिक महत्व काय?
Category : Hindu - Beliefs
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Status

  • Meanings in Dictionary: 717,450
  • Total Pages: 47,439
  • Dictionaries: 46
  • Hindi Pages: 4,555
  • Words in Dictionary: 325,879
  • Marathi Pages: 28,417
  • Tags: 2,707
  • English Pages: 234
  • Sanskrit Pages: 14,232
  • Other Pages: 1

Suggest a word!

Suggest new words or meaning to our dictionary!!

Our Mobile Site

Try our new mobile site!! Perfect for your on the go needs.