पडत्या फळाची आज्ञा

मराठी वाक्संप्रदाय - वाक्यप्रचार

   मारुति ज्यावेळीं सीतेच्या शोधाकरितां अशोक वनांत गेला त्यावेळीं सीतेची भेट झाल्यानंतर त्यानें भूक लागली असल्यामुळें फळें खाण्याची आज्ञा मागितली. सीतेनें त्यास पडलेलीं फळें तेवढीं खाण्यास सांगितलें तेव्हां त्यानें कांहीं वृक्षच मुळासकट उपटून त्यांस खालीं आपटून त्यांचीं फळें खालीं पडल्यावर खाण्यास आरंभ केला व याप्रमाणें अशोक वनाचा पार विध्वंस करुन टाकला. यावरुन थोडी फार गोष्ट करण्यास अनुमति मिळाल्याबरोबर तिचा दूरान्वय करुन वाटेल तें करण्यास अनुमति मिळाल्याबरोबर तिचा दूरान्वय करुन वाटेल तें करण्यास आरंभ करणें, अशा अर्थी हा वाक्प्रचार योजतात. ‘असें म्हणतांच पडत्या फळाची आज्ञा होऊन जयाजी शिंदे यांचे डेरियास आले.’
   भाब ८. ‘ आज बापानें सांगितलें तेव्हां तीच पडत्या फळाची आज्ञा घेऊन तूं माझ्याकडे धांवत आलीस असें उघड उघड दिसतें आहे. खरें ना हें?’
   -उग्र ३.१.
   पडणें पहा.