घूस मागें पाहती, तर उरीं फुटून मरती

मराठी वाक्संप्रदाय - वाक्यप्रचार

   घूस माती उकरते ती आपल्‍या पायांनी आपल्‍या मागे लोटीत असते व पुढे उकरीत जाते. मागे मातीचा डोंगर होतो पण ती प्रत्‍येक वेळी थोडी थोडी माती मागे लोटीत असल्‍यामुळे तिच्या लक्ष्यात आपण किती उकरले ते येत नाही. ते जर तिच्या लक्ष्यात येते तर तिला आपण केलेल्‍या श्रमाची कल्‍पना येऊन तिच्या हृदयास धक्‍का बसल्‍याशिवाय राहत नाही. मनुष्‍य थोडे थोडे श्रम कीरत असला म्‍हणजे, ते एकदम लक्ष्यात भरत नाहीत, पण त्‍यांची गोळाबेरीज करून एकदम त्‍यांचेकडे पाहिल्‍यास ते अतिशय झालेले दिसतात. मनुष्‍यावर एकदम ओझे न पडतां हळू हळू लादले म्‍हणजे ते त्‍याच्या लक्ष्यात येत नाही.