घराच्या भयानें घेतलें रान, वाटेवर भेटला मुसलमान, त्‍याने घेतले नाक कान्‌

मराठी वाक्संप्रदाय - वाक्यप्रचार

   -[एक स्‍त्री नवर्‍याच्या जाचास कंटाळून एक दिवशीं सर्व चीजवस्‍तु घेऊन घर सोडून बाहेर पडली. ती गांवाबाहेर जाऊन एका रानात शिरली तो तेथे तिला एक मुसलमान भेटला. त्‍याने तिच्या जवळची सर्व चीजवस्‍तु घेऊन वर तिचे नाक व कान कापले याप्रमाणें थोड्या दुःखास कंटाळून घर सोडून ती अधिक आपत्तीत पडली.] घरी राहण्यास भीति वाटूं लागली, त्रास होऊं लागला, म्‍हणून रानात जावे तो अधिकच आपत्ति ओढावावी. एका आपत्तीतून सुटका करून घेण्याचा प्रयत्‍न करावयास जावे तो भलत्‍याच आपत्तीत पडण्याचा संभव असतो. तेव्हां पहिल्‍या आपत्तीसच सरळ तोंड देणें चांगले.