अस्वलीच्या आधी किंक फोडावी

मराठी वाक्संप्रदाय - वाक्यप्रचार

   अशी समजूत आहे की, अस्वल आपणांवर चालून येतांना एक मोठी आरोळी मारते व ती आरोळी मारल्यामुळें त्याची कानठळी बसून त्याला मग काही ऐकूं येत नाही. तेव्हां आपली आरोळी त्याला ऐकूं जावयास पाहिजे असेल तर त्यानें आरोळी मारण्यापूर्वीच आपण मारावी
   म्हणजे कदाचित् आपली आरोळी ऐकून तो पळून जाण्याचा संभव असतो. दुसर्‍यानें तक्रार केली असतां दुसर्‍याच्या तक्रारीमुळें उत्पन्न होणारा पूर्वग्रह तरी निदान होत नाही. तेव्हां आपणाबद्दल दुसरा तक्रार करण्यापूर्वी त्यानें आपली आगळीक केली असल्यास आपण प्रथम तक्रार करणे बरे. म्हणजे लोकांची एकतर्फी समजूत तरी होणार नाही. ‘युद्धसमितीचे काम सुव्यवस्थित व नमुनेदार होण्यासाठी त्या समितीच्या सर्व सूचनांना सरकारनें पूर्ण पाठिंबा दिला पाहिजे. जनतेला सूचना अशी की, त्यांतल्या कित्येक गोष्टी अस्वलाआधी आरोळी अशा स्वरूपाच्या असतात, पण तेवढ्यानें घाबरून जाऊन जनतेने स्वतःचे आणि पर्यायानें समाजाचे नुकसान करूं नये.’ -केसरी २-७-४०.