TransLiteral Foundation
मराठी मुख्य सूची|मराठी साहित्य|गाणी व कविता|भा. रा. तांबे|संग्रह २|
मरणांत खरोखर जग जगतें !

मरणांत खरोखर जग जगतें !

भा.रा.तांबे यांच्या कविता अत्यंत हळुवार असून त्या मनाला भिडतात


मरणांत खरोखर जग जगतें !

मरणांत खरोखर जग जगतें;

अधि मरण, अमरपण ये मग तें. ध्रु०

अनंत मरणें अधीं मरावीं,

स्वातंत्र्याची आस धरावी,

मारिल मरणचि मरणा भावी,

मग चिरंजीवपण ये बघ तें. १

सर्वस्वाचें दान अधीं करिं,

सर्वस्वच ये स्वयें तुझ्या घरिं,

सर्वस्वाचा यज्ञ करीं तरि,

रे ! स्वयें सैल बंधन पडतें. २

स्वातंत्र्याचा एकचि ठावा

केवळ यज्ञचि मजला ठावा;

यज्ञ मार्ग ! हो यज्ञ विसावा !

का यज्ञाविण कांहीं मिळतें ? ३

सीता सति यज्ञीं दे निज बळि,

उजळुनि ये सोन्याची पुतळी,

बळी देउनी बळी हो बळी,

यज्ञेंच पुढे पाउल बढतें. ४

यज्ञिं अहर्निश रवि धगधगतो,

स्वसत्त्वदानें पाश छेदितो,

ज्योतिर्गण नव जन्मुनि जगतो,

रे स्वभाव हा ! उलटें भलतें. ५

प्रकृति-गती ही मनिं उमजुनिया

उठा वीर, कार्पण्य त्यजुनिया;

'जय हर ! गर्जा मातेस्तव या !

बडबडुनी कांहीं का मिळतें ? ६

Translation - भाषांतर
N/A

कवी - भा. रा. तांबे

जाति - नववधू

राग - मालकंस

ठिकाण - अजमेर

दिनांक - २० ऑगस्ट १९२१

Last Updated : 2012-10-11T13:14:21.7330000

Comments | अभिप्राय

Comments written here will be public after appropriate moderation.
Like us on Facebook to send us a private message.

प्रतिबिंबणें

  • v i  To be reflected. 
RANDOM WORD

Did you know?

मृतव्यक्तीच्या तेराव्याच्या जेवणात कोणकोणते पदार्थ करतात?
Category : Hindu - Beliefs
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site