श्रीमन्नारायणीयमाहात्म्ये द्वितीयोऽध्याये दशावतारस्तोत्रं

ऋषयः ऊचुः- ।
गुरवो ब्रुवते गुह्यमपि शिष्यजनाय हि ॥५२॥

सूत उवाच-
स्तोत्रं तदुपदेक्ष्यामि श‍ृणुतावहितात्मना ।
सार्वकामिकमेतत्तु पठतां श‍ृण्वतामपि ॥५३॥

हयग्रीवं निहत्याशु वेदान् संरक्षितुं पुरा ।
धृतमत्स्यस्वरूपाय श्रीकृष्णाय नमो नमः ॥५४॥

तदा क्षीरोदधौ मग्नमुद्धर्तुं मन्दराचलं ।
गृहीतकूर्मरूपाय श्रीकृष्णाय नमो नमः ॥५५॥

हिरण्याक्षहतां भूमिमुद्धर्तुं प्रळयार्णवात् ॥
धृतपोत्रिस्वरूपाय श्रीकृष्णाय नमो नमः ॥५६॥

हिरण्यकशिपुं हत्वा जगतीमवितुं पुरा ।
नृसिंहगात्रस्वीकर्त्रे श्रीकृष्णाय नमो नमः ॥५७॥

बलेर्दिवं समादाय देवेभ्योर्प्पयितुं पुरा ।
धृतवामनरूपाय श्रीकृष्णाय नमो नमः ॥५८॥

निहत्य दुष्टराजन्यान् धर्मं संरक्षितुं पुरा ।
गृहीतरामरूपाय श्रीकृष्णाय नमो नमः ॥५९॥

रावणाद्यसतो हत्वा त्रिलोकीं रक्षितुं पुरा ।
धृतरामस्वरूपाय श्रीकृष्णाय नमो नमः ॥६०॥

धेनुकादीन् निहत्याशु सतः संरक्षितुं पुरा ।
धृतरामस्वरूपाय श्रीकृष्णाय नमो नमः ॥६१॥

भूभारमुपसंहर्तुं वसुदेवस्य वेश्मनि ।
गृहीतात्भुतरूपाय श्रीकृष्णाय नमो नमः ॥६२॥

कलेरन्ते खलान् हत्वा सत्यं स्थापयितुं सदा ।
कल्किरूपमुपादात्रे श्रीकृष्णाय नमो नमः ॥६३॥

अथ प्रीतैर्मुनिश्रेष्ठैः पूजितो रौमहर्षणिः ।
पुनः सत्सङ्गलाभाय तीर्थातीर्थं चचार ह ॥६४॥

इत्याङ्गिरसे श्रीमन्नारायणीयमाहात्म्ये द्वितीयोऽध्याये
दशावतारस्तोत्रं सम्पूर्णम् ।
== भक्तार्तिभङ्ग क्षमया धिया यः ।
स्तम्भान्तहालानुदितो नृसिंहः ॥

रिपुं सुराणां निशितैर्नखायैः ।
विदारयतं न च विस्मरामि ॥

इति दशावतारस्तोत्रं सम्पूर्णम् ।