देवी चरित्र - ब्रह्मदेवाचे असत्य कथन

महामाया आहे अजिंक्य जगांत । तेणे हे मोहित विश्व असे ॥१॥
विष्णु ब्रह्मदेव तप आचरिती । महत्व इच्छिती आपुल्याल्या ॥२॥
दोघां भेटी होय सहज एकदां । कलि होय तदा प्राप्त त्यांत ॥३॥
विष्णु ब्रह्मदेव दोघेही आपणा । म्हणती मोठेपणा जगामाजी ॥४॥
तव तेथे लिंग अकस्मात उदेले । शब्द कानी झाले त्यांच्या ऐसे ॥५॥
तुम्हांपैकी जो कां लाविल माझा अंत । तोच होय विख्यात श्रेष्ठ जाणा ॥६॥
विनायक म्हणे विधि वरी जाय । पाताळांत जाय विष्णु जाणा ॥७॥